Politike

Berisha: Unë dua t’i pyes sot qytetarët shqiptarë, ky pushtetar, në 25 vite, cilin investim të huaj ka sjellë?

Berisha ka thënë se Shqipëria ka zbritur me 30 vende më poshtë përsa i përket investimeve të huaja. 

23 Mars 2024, 21:05 Nga h.k

TIRANË-Sali Berisha, Kryetari i Partisë Demokratike ka folur në tubimin e sotëm përpara shtëpisë së tij. Berisha ka thënë se Shqipëria ka zbritur me 30 vende më poshtë përsa i përket investimeve të huaja. 

Berisha: Po si qëndrojnë investimet, të cilat janë jetike për zhvillimin e Shqipërisë, janë jetike për punësimin e shqiptarëve, janë jetike për begatimin e shqiptarëve? Nga vendi i 41-të që e lamë Shqipërinë për treguesin e investimeve, sot ai ka zbritur me 30 vende më poshtë. Dhe vetëm nga viti i kaluar ka zbritur me 6 vende.

Unë dua t’i pyes sot qytetarët shqiptarë: ky pushtetar, në 25 vite, cilin investim të huaj ka sjellë? Cilën vepër numëron për Shqipërinë?

Deklaronte para pak ditësh, se vetëm këto 6 vitet e fundit, kanë nisur investime. Kërkon të mashtrojë shqiptarët.
Por nga viti 2008 gjer në vitin 2013, çdo vit Shqipëria mori nga 1.1 në 1.45 miliardë euro investime.

Por ato nuk fshihen, aty janë. Ato kontrata vazhduan edhe gjatë këtyre viteve. Ja ku është TAP-i, investimi i shekullit, privat.

Ja ku është Kaskada e Devollit, investimi më i madh energjetik në Shqipëri. Ja ku është Kaskada e Fanit dhe dhjetëra e dhjetëra hidrocentrale që prodhojnë sot 59 përqind të të gjithë energjisë së vendit. Ku janë investimet e Edi Ramës? Janë largime të investimeve nga Edi Rama sepse i vjedh, sepse i gjobit, sepse nuk ka vend për to.

sali berisha

Sondazh

Poll

MË SHUMË