Politike

Nisi hetimi nga SPAK, reagon Kryetari i Bashkisë së Rrogozhinës: Akuzat ndaj meje janë shpifje

Memolla e ka quajtur akuzën një shpifje që po hidhet ndaj tij dhe nga ana tjetër shprehet se sipas tij po baltoset jo vetëm ai por edhe familja e tij. 

23 Mars 2024, 16:55 Nga h.k

Nisi hetimi nga SPAK, reagon Kryetari i Bashkisë së Rrogozhinës:

RROGOZHINË-Edison Memolla, Kryetari i Bashkisë Rrogozhinë ka reaguar ditën e sotme pas daljes së lajmit të një dite më parë, se SPAK ka nisur një hetim të dytë ndaj tij.

Memolla e ka quajtur akuzën një shpifje që po hidhet ndaj tij dhe nga ana tjetër shprehet se sipas tij po baltoset jo vetëm ai por edhe familja e tij. 

REAGIMI I EDISON MEMOLLËS

Deri më sot jam përballur me çdo akuzë, shpifje, të pavërtetë apo lajm të rremë që prej kohesh kanë dalë për të ulur në sytë e gjithkujt imazhin tim. Të qenurit pjesë e politikës padyshim që të bën të jesh në shënjestër të shumë kazanëve mediatik vetëm për të përmbushur kërkesat e personave të etur për pushtet që fshihen pas siglave televizive.

Megjithatë kurrë nuk kam dalë kundër tyre hapur pasi jam individ që di ti përgjigjem drejtësisë për aq kohë sa punën dhe postin që ma kanë besuar qytetarët e mi e drejtoj me ndershmëri dhe pastërti. Por fakti që përveç meje po baltosni familjarë të mi me akuza tepër të rënda dhe të pafalshme, madje për të disatën herë, më bën të reagoj dhe të përdor çdo armë të mundshme ligjore për t'i mbrojtur ata.

Kushdo që na njeh e di mirë me sa mund dhe djersë ka arritur familja ime të jetë kjo që është tani dhe për të gjithë ata që nxjerrin fjalë të tjera përveçse kësaj të vërtete, tashmë do të shihemi qoftë edhe për shpifjen më të rëndomtë, në dyert e të gjitha institucioneve të drejtësisë.

Me respekt,

Edison Memolla

edison memolla

Sondazh

Poll

MË SHUMË