Art&Argëtim

VIDEO/ Celine Dion hedh pas krahëve momentet e vështira, shfaqet duke kënduar dhe kërcyer

Kur ajo u diagnostikua me çrregullimin e rrallë neurologjik, Dion u detyrua të anulonte performancat e saj të ardhshme.

22 Mars 2024, 16:37 Nga S.B
VIDEO/ Celine Dion hedh pas krahëve momentet e vështira, shfaqet duke
Celine Dion

SHBA- Periudha e vështirë për këngëtaren Celine Dion duket se ka kaluar. Pas dy vitesh të vështira me sëmundjen e personit të ngurtë ajo po buzëqesh sërish. Celine Dion u pa në ndeshjen e Boston Bruins në TD Garden me djemtë e saj binjakë, Nelson dhe Eddie.

Kur u luajt kënga "Livin' on a Prayer" nga Bon Jovi, Dion u ngrit nga vendi dhe filloi të kërcente dhe të pretendonte se i binte kitarës. Kur ajo u diagnostikua me çrregullimin e rrallë neurologjik, Dion u detyrua të anulonte performancat e saj të ardhshme.

Në një postim që vetë Dion bëri në Instagram ajo shkroi: Përpjekja për të kapërcyer këtë çrregullim autoimun ka qenë një nga përvojat më të vështira të jetës sime, por mbetem e vendosur që një ditë të kthehem në skenë dhe të jetoj një jetë sa më normale.

Sipas Institutit Kombëtar të Shëndetit, sindroma e njeriut të ngurtë është një çrregullim i rrallë neurologjik progresiv që mund të shkaktojë ngurtësi tek muskujt. Në dhjetor 2022, Dion doli publikisht me diagnozën e saj, duke e përshkruar atë në atë kohë si një sindromë shumë e rrallë neurologjike, e cila prek rreth një në një milion njerëz.

celine dion

Sondazh

Poll

MË SHUMË