Aktualitet

Vjedhje, dhunë dhe drejtim mjeti në gjendje të dehur, arrestohen nëntë persona në Tiranë

Gjithashtu mësohet se tre persona janë arrestuar për vjedhje dhe tre të tjerë pasi kanë drejtuar mjetet në gjendje të dehur.

21 Mars 2024, 11:59 Nga S.B
Vjedhje, dhunë dhe drejtim mjeti në gjendje të dehur, arrestohen
foto ilustruese

TIRANË- Arrestohen nëntë persona në Tiranë pasi kanë kryer vepra penale të ndryshme. Bëhet me dije se tre prej arrestimeve kanë ardhur si pasojë e dhunës ndaj familjarëve.

Gjithashtu mësohet se tre persona janë arrestuar për vjedhje dhe tre të tjerë pasi kanë drejtuar mjetet në gjendje të dehur. Me rastet e mësipërme për detaje të mëtejshme do të merret Prokuroria e Tiranës.

Njoftimi i policisë:

Specialistët për Hetimin e Krimeve të Komisariatit të Policisë Nr. 1 arrestuan shtetasit:

- D. K., 50 vjeç, banues në Tiranë, pasi dyshohet se i ka vjedhur aparatin celular një shtetaseje;

- A. A., 50 vjeç, banues në Tiranë, pasi ka ushtruar dhunë ndaj vëllait të tij;

- G. Sh., 50 vjeç, banues në Tiranë, pasi ka ushtruar dhunë ndaj nënës së tij.

Gjithashtu, nga këta specialistë u ndaluan shtetasit K. L., 25 vjeç dhe A. L., 26 vjeç, për veprën penale "Vjedhja".

Specialistët për Hetimin e Krimeve të Komisariatit të Policisë Nr. 6 arrestuan shtetasin K. R., banues në Pezë Helmës, pasi ka ushtruar dhunë ndaj bashkëshortes së tij.

Specialistët e Komisariatit të Policisë Rrugore arrestuan shtetasit:

- K. P., 40 vjeç, banues në Tiranë, pasi u kap duke drejtuar motomjetin, në gjendje të dehur;

- A. H., 40 vjeç, dhe A. Ç., 32 vjeç, të dy banues në Tiranë, pasi u kapën duke drejtuar automjetet, në gjendje të dehur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

tirane vepra penale

Sondazh

Poll

MË SHUMË