Sport

Thibaut Courtois operohet me sukses në meniskun e brendshëm të gjurit të djathtë…

Portieri do të fillojë procesin e rikuperimit në ditët në vijim

20 Mars 2024, 11:10 Nga DOSJA

SPANJE - Thibaut Courtois, siç sapo ka njoftuar Real Madridi, iu nënshtrua një operacioni të suksesshëm mëngjesin e sotëm për një çarje në meniskun e brendshëm të gjurit të tij të djathtë, nën mbikëqyrjen e shërbimeve mjekësore të klubit ‘los blanocs’. Portieri do të fillojë procesin e rikuperimit në ditët në vijim.

Portieri, i cili ishte në fazën e fundit të rikuperimit nga këputja e ligamentit të kryqëzuar të përparmë në gjurin e majtë që pësoi më 10 gusht, në stërvitjen e kësaj të marte në një aksion me grupin çau meniskun e brendshëm të gjurit të djathtë.

Një goditje në portë dhe gjuri i tij u dëmtua. Ai ndjeu dhimbje të forta, arriti të ngrihej... por menjëherë ndjeu se diçka nuk shkonte. Një pengesë për belgun, i cili do të mungojë pushim edhe për dy muaj pas këtij operacioni, që do të thotë se do të humbasë pjesën e mbetur të sezonit.

Thibaut Courtois operohet me sukses në meniskun e brendshëm të

Doktor Ripoll analizon lëndimin e ri të Courtois: "Është aksidentale"

Courtois me lot u tërhoq nga stërvitja e Real Madridit, pikërisht në momentin që ishte gati të rishfaqej pas lëndimit të rëndë në gju verën e kaluar. Operacioni i kryer nga shërbimet mjekësore të klubit madrilen ishte heqja kirurgjikale e një pjese minimale të meniskut të grisur, me qëllim kthimin e lëvizshmërisë normale në gjurin e prekur, duke e zhbllokuar plotësisht.

Një vendim, për të hequr qepjen që ishte më pak agresive, do ta lërë portierin bardhezi jashtë për 6-8 javë. Gjithçka do të varet nga përqindja e meniskut që është hequr dhe si mbivendoset me rikuperimin e gjurit tjetër.

Portieri tani përballet me një proces të ri rikuperimi. "Faleminderit të gjithëve për mesazhet tuaja. I trishtuar për një dëmtim, që është vetëm një pengesë e vogël që do të më bëjë të rikthehem shumë më i fortë. Ndjeja e mbështetjes tuaj më bën të përballoj shumë më mirë",- ka shkruar ai në rrjetet e tij sociale, së bashku me një foto të fillimit të stërvitjes përpara se të pësosh lëndimin.

Thibaut Courtois operohet me sukses në meniskun e brendshëm të