Sport

Olivier Giroud po tundohet nga “ëndrra amerikane”, mund të bashkohet me Lloris…

Shtetet e Bashkuara janë vendi i ri, i privilegjuar për mërgim, të kampionëve të botës

20 Mars 2024, 10:55 Nga DOSJA
Olivier Giroud po tundohet nga “ëndrra amerikane”, mund të

SHBA - Kush do të jetë ylli i radhës që do të vendoset në Shtetet e Bashkuara për të jetuar ëndrrën amerikane? Verën e kaluar, Lionel Messi vendosi, pothuajse për habinë e të gjithëve, t'i bashkohet Inter Miami, klubit të David Beckham. 

Që atëherë, atij i janë bashkuar disa nga ish-shokët e tij të skuadrës te Barça, përkatësisht Jordi Alba, Luis Suarez dhe Sergio Busquets. Një valë e re largimesh drejt Shteteve të Bashkuara vazhdoi, ku përfshihet edhe Hugo Lloris, ish-portieri i kombëtares franceze, i cili nga ana e tij u bashkua me bregun perëndimor me klubin e Los Angeles FC, ku gjendet në veçanti edhe Denis Bouanga.

Dhe padyshim, ashtu si Lionel Messi, edhe kampionët e botës më 2018 do të vazhdojnë aventurën amerikane. Siç zbulohet nga media “The Athletic”, një nga skuadrat MLS-së është aktualisht në diskutime me Olivier Giroud, golashënuesi më i mirë në historinë e kombëtares franceze, për një transferim këtë verë. 

Sulmuesi i AC Milan e sheh kontratën e tij të përfundojë këtë verë dhe në moshën 37-vjeçare, padyshim që kjo do të ishte sfida e tij përfundimtare, që me siguri do t'i lejonte atij të garojë në Lojërat Olimpike të Parisit nëse do të thirret, gjë që do të nuk do të jetë aq e lehtë nëse ai rinovon kontratën me AC Milan.

B.T (Dosja.al)

Sondazh

Poll

MË SHUMË