Bota

Oficeri gjerman akuzohet se ka tentuar t’i shesë sekrete ushtarake Rusisë

Ai akuzohet se i është drejtuar vazhdimisht konsullatës ruse në Bon dhe ambasadës në Berlin me iniciativën e tij që nga maji i vitit të kaluar për të ofruar bashkëpunim.

20 Mars 2024, 08:38 Nga h.k
Oficeri gjerman akuzohet se ka tentuar t’i shesë sekrete ushtarake
Foto ilustruese

GJERMANI-Prokurorët gjermanë kanë akuzuar një oficer në agjencinë e prokurimeve të ushtrisë se është përpjekur t’u kalojë informacione të klasifikuara shërbimeve të inteligjencës ruse, thanë sot prokurorët federalë.

Shtetasi gjerman, i identifikuar nga prokuroria si Thomas H, ndodhet në paraburgim që nga gushti, raporton Reuters.

Ai akuzohet se i është drejtuar vazhdimisht konsullatës ruse në Bon dhe ambasadës në Berlin me iniciativën e tij që nga maji i vitit të kaluar për të ofruar bashkëpunim.

Gjermania, një nga furnizuesit më të mëdhenj të pajisjeve ushtarake për Ukrainën, është objektivi kryesor i operacioneve të spiunazhit rus, të cilat janë rritur që kur Rusia sulmoi Ukrainën në vitin 2022, kanë paralajmëruar autoritetet.

Në një rast, Thomas H. i dorëzoi informacionet që kishte marrë gjatë punës me qëllimin për t’ia transmetuar ato inteligjencës ruse, thanë prokurorët federalë.

Ai u arrestua në Koblenz, selia e agjencisë së prokurimeve në Gjermaninë perëndimore, dhe shtëpia dhe vendi i tij i punës u kontrolluan.

gjermania

Sondazh

Poll

Bota 20 Mars 2024, 08:29 h.k

Kush do të bëhet shef i ri i NATO-s?

Foto ilustruese BRUKSEL-Këtë vit, në Bruksel janë në garë katër poste të mëdha politike: presidencat e Komisi...

MË SHUMË