Bota

Meloni: Qeveria italiane nuk është në asnjë mënyrë në favor të dërgimit të forcave ushtarake nga vendet e BE në Ukrainë

Ajo e cilësoi si diçka të rrezikshme që duhet shmangur me çdo kusht. Në të njëjtën kohë, kryeministrja italiane dënoi zgjedhjet simuluese të organizuara në një pjesë të territorit ukrainas nga Rusia.

19 Mars 2024, 21:20 Nga S.N
Meloni: Qeveria italiane nuk është në asnjë mënyrë
Giorgia Meloni


ITALI- Kryeministria e Italisë Georgia Meloni, është shprehur radikalisht kundër dërgimit të forcave ushtarake nga vendet e BE në Ukrainë. "Qeveria italiane nuk është në asnjë mënyrë në favor të dërgimit të forcave ushtarake nga vendet e BE në Ukrainë, sepse kjo do të çonte në një kulm tensioni", tha kryeministrja italiane Giorgia Meloni gjatë fjalimit të saj në Senatin në Romë.

Ajo e cilësoi si diçka të rrezikshme që duhet shmangur me çdo kusht. Në të njëjtën kohë, kryeministrja italiane dënoi zgjedhjet simuluese të organizuara në një pjesë të territorit ukrainas nga Rusia. Duke iu kthyer Lindjes së Mesme, Meloni theksoi se qeveria në Romë do të përsërisë kundërshtimin e saj ndaj një operacioni tokësor izraelit në Rafah, i cili mund të ketë pasoja edhe më shkatërruese për civilët që kanë nxituar në zonë.

Në të njëjtën kohë, Georgia Meloni theksoi se në samitin evropian në Bruksel, qeveria e saj do të përsërisë se ndihma humanitare duhet të dërgohet në kushte të sigurta dhe se Italia mbështet iniciativën e korridorit detar nga Qiproja në Gaza, me qëllim të e këtyre ndihmave duke ditur se gjithmonë ka nevojë për rrugë të reja tokësore, të cilat mbeten të një rëndësie parësore.

Së fundi, ajo shprehu shqetësimin e saj për atë që po ndodh në Detin e Kuq dhe mirënjohjen e saj të sinqertë për Marinën e vendit të saj dhe ekuipazhin e anijes luftarake Caio Duilio, e cila ndodhet në ujërat pranë Detit të Kuq. "Anija jonë u detyrua të neutralizohej pas një sulmi me dron dhe e bëri këtë menjëherë dhe në mënyrë efektive," përfundoi Meloni.

giorgia meloni italia

Sondazh

Poll

MË SHUMË