Bota

Pasojat e urisë, OBSH: Të porsalindurit në Gaza vdesin për shkak të peshës shumë të ulët

Izraeli ka zhvilluar një ofensivë ushtarake vdekjeprurëse në Gaza që nga një inkursion ndërkufitar nga grupi palestinez Hamas më 7 tetor 2023, i cili vrau afro 1200 njerëz.

19 Mars 2024, 19:19 Nga E. D
Pasojat e urisë, OBSH: Të porsalindurit në Gaza vdesin për
foto ilustruese

GAZA- Organizata Botërore e Shëndetësisë tha të martën se efektet e urisë në Rripin e Gazës po bëhen më të rënda çdo ditë pasi mjekët dhe stafi mjekësor po shohin foshnjat e porsalindura që po vdesin sepse kanë peshë shumë të ulët në lindje.

"Ata po shohin gratë shtatzëna që po vijnë gjithashtu nën peshë dhe vuajtje, komplikimet që ndodhin nëse përpiqeni të mbani një shtatzëni dhe ju mungon ushqimi. Gjithnjë e më shumë, ne po shohim fëmijë që janë në prag të vdekjes nga uria që kanë nevojë për riushqyerje dhe puna jonë tani është krijimi i qendrave të stabilizimit të kequshqyerjes," tha zëdhënësja e OBSH-së Margaret Harris në një konferencë për shtyp të OKB-së në Gjenevë.

Izraeli ka zhvilluar një ofensivë ushtarake vdekjeprurëse në Gaza që nga një inkursion ndërkufitar nga grupi palestinez Hamas më 7 tetor 2023, i cili vrau afro 1200 njerëz.

Më shumë se 31,800 palestinezë, kryesisht gra dhe fëmijë, janë vrarë që atëherë në enklavë dhe afro 74,000 të tjerë janë plagosur, përveçse kanë shkaktuar shkatërrim në masë dhe zhvendosje.

Uria është e pashmangshme në Gaza, sipas agjencisë së OKB-së për refugjatët palestinezë, e cila thotë se vetëm aksesi i qëndrueshëm dhe më shumë furnizime do të shpëtojnë jetë.

obsh

Sondazh

Poll

MË SHUMË