Bota

Torturoi dy burra me ngjyrë, dënohet me 20 vite burg ish-oficeri në SHBA

Viktimat u rrahën, u tronditën me armë trullosëse dhe u sulmuan seksualisht nga oficerët që hynë pa urdhër në vitin 2023. Njëri prej tyre u qëllua edhe në gojë.

19 Mars 2024, 18:36 Nga S.N
Torturoi dy burra me ngjyrë, dënohet me 20 vite burg ish-oficeri
Gjashtë torturuesit

SHBA- Ish-oficeri i policisë së Misisipit, Hunter Elward, është dënuar me 20 vitet burg për rolin e tij në torturimin e dy burrave me ngjyrë në shtëpinë e tyre. Viktimat u rrahën, u tronditën me armë trullosëse dhe u sulmuan seksualisht nga oficerët që hynë pa urdhër në vitin 2023. Njëri prej tyre u qëllua edhe në gojë.

Grupi u deklarua fajtor për shkelje të të drejtave civile federale në gusht. Pasi Elward u dënua, do të dënohen edhe 5 ish-oficerë të tjerë, Christian Dedmon, Brett McAlpin, Jerffrey Middleton, Daniel Opydke dhe Joshua Hartfield.

Sot, gjykatësi i qarkut amerikan Tom Lee i quajti krimet e Elwardit të frikshme dhe të neveritshme, njoftuan mediat lokale. Secili përballet me mundësinë e dekadave në burg për akuzat, të cilat përfshijnë konspiracion kundër të drejtave, pengim të drejtësisë, privim të të drejtave.

Sipas prokurorëve, oficerët të gjithë janë të bardhë dhe që e quanin veten 'Skuadra Goon'. Ata po i përgjigjeshin një thirrjeje për aktivitete të dyshimta në qytetin Rankin County të Braxton kur hynë në shtëpinë e Michael Jenkins dhe Eddie Parker.
Të dy burrat u vunë në pranga dhe iu nënshtruan një sulmi prej disa orësh në të cilin ata u rrahën vazhdimisht, u tronditën dhe u tallën me sharje racore.

Elward gjithashtu qëlloi një prej viktimave Jekins në gojë, duke i prerë gjuhën dhe duke i thyer nofullën. Elëard i kërkoi falje zotit Jenkins në gjykatë. Të hënën, Jenkins dhe Parker kërkuan që të jepet "dënimet më të ashpra" ndaj ish-oficerëve.

"Ka qenë shumë e vështirë për mua, për ne," tha zoti Jenkins për Associated Press. “Ne shpresojmë për më të mirën dhe po përgatitemi për më të keqen”, shtoi ai.

 

shba

Sondazh

Poll

MË SHUMË