Bota

Paralajmëron Rusia: Njësitë franceze në Ukrainë do të ishin objektiva kryesore

Muajin e kaluar Emmanuel Macron, presidenti francez, deklaroi se nuk do të përjashtonte idenë e trupave evropiane në Ukrainë megjithëse ai paralajmëroi se asnjë konsensus nuk është rënë dakord mes aleatëve.

19 Mars 2024, 16:03 Nga E. D
Paralajmëron Rusia: Njësitë franceze në Ukrainë do
fotot ilustruese

RUSI- Çdo njësi ushtarake franceze e dërguar në Ukrainë do të ishte një objektiv "përparësor", ka thënë shefi i inteligjencës së jashtme të Rusisë.

"Ai një kontingjent francez do të bëhet një objektiv prioritar dhe legjitim për sulmet nga forcat e armatosura ruse," tha Sergei Naryshkin. 

"Kjo do të thotë se do ta priste fati i të gjithë francezëve që kanë ardhur ndonjëherë në territorin e botës ruse me shpatë," shtoi ai. 

Muajin e kaluar Emmanuel Macron, presidenti francez, deklaroi se nuk do të përjashtonte idenë e trupave evropiane në Ukrainë megjithëse ai paralajmëroi se asnjë konsensus nuk është rënë dakord mes aleatëve.

“Asgjë nuk duhet të përjashtohet. Ne do të bëjmë gjithçka që duhet në mënyrë që Rusia të mos fitojë," vazhdoi ai. 

Gjithashu kryeministrja e Italisë, Giorgia Meloni, tha sot se dërgimi i trupave tokësore në Ukrainë do të shkaktonte një përshkallëzim për tu shmangur me çdo kusht.

sergei naryshkin

Sondazh

Poll

MË SHUMË