Aktualitet

Arrestohet një person dhe procedohen penalisht pesë të tjerë në Korçë për vepra penale të ndryshme

Mësohet se arrestimi i një 46-vjeçari ka ardhur si pasojë e mosbindjes ndaj urdhrit të policisë për të ndaluar automjetin, të cilin e ngiste në gjendje të dehur.

18 Mars 2024, 14:22 Nga S.B
Arrestohet një person dhe procedohen penalisht pesë të tjerë
foto ilustruese

KORÇË- Arrestohet një person dhe procedohen penalisht pesë të tjerë në Korçë. Mësohet se arrestimi i një 46-vjeçari ka ardhur si pasojë e mosbindjes ndaj urdhrit të policisë për të ndaluar automjetin, të cilin e ngiste në gjendje të dehur.

Pesë rastet e procedimeve penale në gjendje të lirë kanë ardhur si pasojë e kryerjes së veprave penale si braktisja e fëmijëve, prerja e druve kundra ligjit, kanosja, dhuna fizike si dhe vjedhja e bagëtive. Me rastet e mësipërme për detaje të mëtejshme do të merret Prokuroria e Korçës.

Njoftimi i policisë:

DVP Korçë/Vihet në pranga 1 shtetas dhe procedohen në gjendje të lirë 5 të tjerë, për vepra penale të ndryshme.

-Specialistët e Trafikut Urban dhe Interurban të DVP Korçë kapën dhe vunë në pranga shtetasin E. P., 46 vjeç, banues në Korçë, pasi në bulevardin “Republika”, nuk i është bindur urdhrit të punonjësve të Policisë, për të ndaluar automjetin, të cilin pas verifikimeve rezultoi se e drejtonte në gjendje të dehur.

-Specialistët për Hetimin e Krimeve të Komisariatit të Policisë Devoll referuan materialet në Prokurori, ku filloi procedimi penal për shtetasen B. F., 37 vjeçe, banuese në fshatin Plasë, pasi dyshohet se ka braktisur 2 fëmijët e saj.

-Specialistët për Hetimin e Krimeve të Komisariatit të Policisë Kolonjë referuan materialet në Prokurori, ku filloi procedimi në gjendje të lirë për shtetasin M. N., 51 vjeç, banues në fshatin Helmës, pasi dyshohet se ka prerë një sasi drush, në mënyrë të kundërligjshme.

-Specialistët për Hetimin e Krimeve të Komisariatit të Policisë Maliq referuan materialet në Prokurori, ku filloi procedimi në gjendje të lirë për shtetasit:

-S. H., 57 vjeç dhe A. H., 27 vjeç, të dy banues në Maliq, pasi dyshohet se kanë fyer, kanosur dhe goditur me grushte, një 58-vjeçar;

-A. K., 41 vjeç, banues në fshatin Sheqeras, pasi në fshat, dyshohet se i ka vjedhur 2 bagëti të imëta, një 61-vjeçari.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

korce arrestime ne korce

Sondazh

Poll

MË SHUMË