Aktualitet

SPAK nis hetimet për Ceno Klosin, akuzohet për "Shpërdorim detyre"

Ndaj Ceno Klosit ka nisur procedimi penal për akuzat “Korrupsioni pasiv i personave që ushtrojnë funksione publike ”, “Shpërdorimi i detyrës”, “Falsifikim i dokumenteve” dhe “Mashtrimi”.

18 Mars 2024, 13:27 Nga h.k
SPAK nis hetimet për Ceno Klosin, akuzohet për "Shpërdorim
foto ilustruese

TIRANË-SPAK nis hetimet ndaj drejtorit të Tatimeve, Ceno Klosi, pas dy kallëzimeve penale të grupit parlamentar të PD-së.

Ndaj Ceno Klosit ka nisur procedimi penal për akuzat “Korrupsioni pasiv i personave që ushtrojnë funksione publike ”, “Shpërdorimi i detyrës”, “Falsifikim i dokumenteve” dhe “Mashtrimi”.

“Mbi bazën e kallëzimit penal të dërguar nga grupi parlamentar i subjektit politik Partia Demokratike, Prokuroria e Posaçme Kundër Korrupsionit dhe Krimit të Organizuar ka regjistruar Procedimin Penal Nr.259/2023 datë 13.12.2023, për veprat penale “Korrupsioni pasiv i personave që ushtrojnë funksione publike ”, “Shpërdorimi i detyrës”, “Falsifikim i dokumenteve” dhe “Mashtrimi””, njoftoi prokuroria.

7 muaj pas kallëzimit të parë, opozita ka depozituar një tjetër kallëzim ndaj drejtorit të Përgjithshëm të Tatimeve Klosi.

“Për të njëjtin fakt Prokuroria e Posaçme Kundër Korrupsionit dhe Krimit të Organizuar ka regjistruar Procedimin Penal Nr.83/2023 datë 03.07.2023, mbi bazën e kallëzimit penal të dërguar gjithashtu nga subjekti politik Partia Demokratike e Shqipërisë, për veprat penale “Shpërdorim i detyrës”, “Falsifikim i dokumenteve” dhe “Mashtrimi”,” njoftoi prokuroria.

SPAK ka vendosur bashkimin e dy procedimeve në një të vetëm.

ceno klosi

Sondazh

Poll

MË SHUMË