Bota

Shkoi për ta ndihmuar, qëllohet për vdekje nga një shofer oficeri i policisë në New Mexico

Rreth orës 5 të mëngjesit me orën lokale në New Mexico, Hare u dërgua për të ndihmuar një shofer të cilit i kishte rënë goma në zonën ndërshtetërore pranë Tucumcari në lindje të New Mexico.

16 Mars 2024, 20:46 Nga S.N
Shkoi për ta ndihmuar, qëllohet për vdekje nga një shofer
Justin Hare

SHBA- Një oficer i Policisë së Shtetit të New Mexicos u qëllua për vdekje me gjakftohtësi të premten kur u ofrua të ndihmonte drejtuesin e një automjeti, i cili u përgjigj duke qëlluar dy herë mbi oficerin dhe duke u larguar me makinën e tij të patrullës, thanë autoritetet. Një urdhër arresti është lëshuar për 32-vjeçarin Jaremy Smith, nga Karolina e Jugut.

"Në një mëngjes të ftohtë, të errët dhe me erë, ai i ofroi ndihmë një personi që mendonte se ishte në nevojë," tha shefi i policisë së shtetit Troy Weisler të shtunën në një konferencë shtypi. “Ai person e vrau me gjakftohtësi. Fjalët e fundit që oficeri Justin Hare shqiptoi në këtë tokë ishte t'i ofronte ndihmë një njeriu që do ta vriste," tha ai

“Jeramy Smith, ne po vijmë për ty. Ju lutem që të dorëzoheni dhe paqësisht,” shtoi shefi.

Rreth orës 5 të mëngjesit me orën lokale në New Mexico, Hare u dërgua për të ndihmuar një shofer të cilit i kishte rënë goma në zonën ndërshtetërore pranë Tucumcari në lindje të New Mexico, tha Weisler të premten.

Smith po përballet me akuzat për vrasje të shkallës së parë, grabitje me armë, të shtëna në ose nga një automjet, grabitje të armatosur, manipulim të provave, krim në posedim të një arme zjarri, marrje të paligjshme të një automjeti dhe dëmtim kriminal të pronës, tha policia.

Hare, i cili u diplomua në shkollën e rekrutimit të policisë në vitin 2018, ka lënë pas prindërit e tij, bashkëshorten dhe dy fëmijë të vegjël, tha shefi i policisë.

shba

Sondazh

Poll

MË SHUMË