Bota

U ndoq nga një ari në pyll, vdes 31-vjeçarja në Sllovaki

Ajo kishte qenë duke ecur e shoqëruar nga një burrë, kur ata u sulmuan nga një ari. Sipas burrit, ai dhe gruaja janë larguar në drejtime të ndryshme. Zona ka pyje të dendur dhe lugina të thepisura.

16 Mars 2024, 17:07 Nga S.N

U ndoq nga një ari në pyll, vdes 31-vjeçarja në Sllovaki

Foto Ilustrim

SLLOVAKI- Një grua 31-vjeçare nga Bjellorusia ka vdekur pasi u ndoq nga një ari në veri të Sllovakisë, thanë zyrtarët. Shërbimi i Shpëtimit Malor Sllovak tha se trupi i gruas ishte nxjerrë nga pylli në malIN Tatras të Sllovakisë të premten në mbrëmje. Ajo kishte qenë duke ecur e shoqëruar nga një burrë, kur ata u sulmuan nga një ari.

Sipas burrit, ai dhe gruaja janë larguar në drejtime të ndryshme. Zona ka pyje të dendur dhe lugina të thepisura.
Autoritetet sllovake thanë se të dy po ecnin në Luginën Demänovská kur u ndoqën nga ariu. Trupi i gruas u zbulua nga një qen kërkimi pak pasi shoqëruesi i saj shkoi për ndihmë.

Ariu ishte ende afër dhe u frikësua nga Shërbimi i Shpëtimit Malor me të shtëna paralajmëruese nga një armë.
Ndërsa rrethanat e vdekjes mbeten të paqarta, ka pikëpyetje nëse gruaja ra apo u sulmua për vdekje nga ariu. Ka pasur një numër të sulmeve të arinjve në vitet e fundit, duke përfshirë një sulm fatal në vitin 2021.

Anëtarët e qeverisë së re populiste nacionaliste të Sllovakisë janë shprehur kundër asaj që ata thonë se është mbrojtje e tepruar e mjedisit të BE-së për grabitqarët si ujqërit dhe arinjtë, të cilët janë kthyer në Sllovaki nëpërmjet maleve Karpate në dekadat që nga rënia e komunizmit në 1989.

Arinjtë janë të zakonshëm në të gjithë vargun malor të Karpateve, që shtrihen nga Rumania në Ukrainën perëndimore deri në Sllovaki dhe Poloni. Ministria e Mjedisit tha se së bashku me Rumaninë do të paraqesë një propozim në Këshillin e ardhshëm të

Ministrave të Mjedisit të BE-së për të riklasifikuar arinjtë në listën e specieve të mbrojtura, pasi numri i tyre nënkupton se ata nuk janë më të rrezikuar dhe mund të asgjësohen në mënyrë selektive.
Studiuesit megjithatë thonë se nuk ka pasur asnjë shpërthim në popullatën e vlerësuar të arinjve të Sllovakisë, e cila sipas tyre mbetet e qëndrueshme në rreth 1,275.

sllovaki