Sport

Lotito këmbëngul: “Sarri u tradhëtua!” Tudor një hap larg, pritet zyrtarizimi…

Pas dështimit për të arritur te Napoli, trajneri kroat ndodhet në Romë dhe marrëveshja me klubin ‘Biancoceleste’ është shumë afër.

15 Mars 2024, 00:03 Nga DOSJA
Lotito këmbëngul: “Sarri u tradhëtua!” Tudor një

ITALI - Lazio është afër përqafimit  të trajnerit të ri. Pas shkarkimit të Sarrit, lacialët dukej se kishin vendosur të mbështeteshin te Giovanni Martusciello, por në orët e fundit, Lotito ndryshoi mendje dhe pritet tymi i bardhë për të sjellë menjëherë Igor Tudorin në kryeqytet, vetëm pak muaj më parë një hap larg nga pankina e Napolit.

Negociatat nisën, trajneri kroat mbërriti në Romë pasdite dhe takoi drejtuesit e Lazios, me të cilët gjeti një marrëveshje mbi bazën e një kontrate 18-mujore, deri më 30 qershor 2025 (plus opsion për një sezon tjetër), me një pagë prej 2.5 milionë euro në sezon. 

Ndërkohë, i gjithë stafi teknik i Sarrit, ende në detyrë pavarësisht lamtumirës së trajnerit toskan, ka dhënë dorëheqjen nga rolet përkatëse. Duke folur për Sarrin: për pronarin e lacialëve, ai "u tradhtua".

Në një intervistë të gjatë për Tg1, Claudio Lotito tha fjalët: "Lamtumira e Sarrit nuk ishte në ajër. Një gjë e papritur, një rrufe në qiell, - ishin fjalët e sipërmarrësit. - Ai ishte pak i tradhtuar nga disa sjellje të njerëzve, ka diçka që zvarritet brenda grupit. Një skuadër që mund Bayernin dhe më pas humbet nga Udinese dhe nuk është vetëm Udinese... bëni një pyetje dhe jepini vetes një përgjigje.

Tani vazhdojmë deri në fund të javës me Martusciello. Për momentin nuk është një afat. Kemi nevojë për një trajner që përdor karrotën dhe shkopin. Sot skuadra është arbitri i vet, nuk ka alibi dhe nuk ka sesi t'i shkarkojë askujt përgjegjësitë e tij".   

Prandaj Martusciello do të qëndrojë deri të shtunën, kur Lazio do të përballet me Frosinone, më pas ai do t'i lërë stolin Tudorit, por mund të qëndrojë te ‘Biancoceleste’ si ndihmës i ish-trajnerit të Marsejës. 

B.T (Dosja.al)

Sondazh

Poll

MË SHUMË