Politike

Dialogu në Kuvend/ Berisha: Qëllimi i Ramës është që opozita të bojkotojë parlamentin, frikësohet nga komisionet hetimore

Berisha tha se qëllimi i vetëm i Ramës është që opozita të bojkotojë parlamentin, por u shpreh se opozita do bëjë çdo gjë për të drejtat e saj kushtetuese në parlament dhe kudo.

13 Mars 2024, 20:10 Nga r.ll
Dialogu në Kuvend/ Berisha: Qëllimi i Ramës është
sali berisha

TIRANË- Kreu i Partisë Demokratike, Sali Berisha ka folur mbrëmjen e sotme për dialogun dhe rikthmin e normalitetit në Parlament. Berisha tha se opozita nuk është ajo që ka shkelur të drejtat kushtetuese, por sipas tij kryeministri Edi Rama. 

Berisha tha se qëllimi i vetëm i Ramës është që opozita të bojkotojë parlamentin, por u shpreh se opozita do bëjë çdo gjë për të drejtat e saj kushtetuese në parlament dhe kudo. Ish-kryeministri akuzoi Ramën se ka frikë nga komisionet hetimore dhe dalja para tyre. 

PJESË NGA FJALA E BERISHËS:

Të dashur miq. Këto ditë në parlament është bërë dialog në mënyrë që të drejtat e opozitës të respektohen. Dua të sqaroj ju dhe çdo shqiptar se nuk është opozita ajo që ka shkelur të drejtat kushtetuese, as të vetat, as të kujt tjetër. Është Edi Rama, i cili nuk pranon të respektojë të drejtat kushtetuese.

Në këto rrethana ai ka vetëm një qëllim dhe ky qëllim është që opozita të bojkotojë parlamentin. Sepse, duhet të jemi realistë, në mënyrë makabër ai fitoi më shumë se kushdo tjetër nga bojkoti i parlamentit nga opozita. Mirëpo unë i them sot Edi Ramës këtu para jush dhe në emër tuaj se opozita nuk braktis parlamentin, por opozita do bëjë çdo gjë për të drejtat e saj kushtetuese në parlament dhe kudo.

Prandaj dhe Edi Rama, ti ke frikë dhe tmerr nga komisionet hetimore. Nuk ka forcë në botë që të shpëton prej tyre.
Le të vijë kushdo në mbrojtje tënde, ti do përfundosh para atyre komisioneve sepse ke vjedhur këtë komb, këtë vend sa askush tjetër në histori.

sali berisha

Sondazh

Poll

MË SHUMË