Politike

Në fokus marrëdhëniet dypalëshe dhe procesi i anëtarësimit në BE, ministri Hasani vizitë zyrtare në Spanjë

Ministri Hasani do të marrë pjesë edhe në forumin e biznesit Shqipëri - Spanjë. Për vitin 2023 Spanja renditet në vendin e 9-të të partnerëve më të mëdhenj tregtarë të Shqipërisë.

13 Mars 2024, 19:18 Nga r.ll
Në fokus marrëdhëniet dypalëshe dhe procesi i
igli hasani

SPANJË- Ministri për Evropën dhe Punët e Jashtme, Igli Hasani, nga Budapesti ka udhëtuar sot pasdite drejt Spanjës, ku do të pritet në një takim nga Ministri për Punët e Jashtme, Bashkimin Evropian dhe Bashkëpunimin i Spanjës, Jose Manuel Albares Bueno.

Në fokus të vizitës do jenë çështje të tilla si: forcimi i bashkëpunimit dypalësh Shqipëri-Spanjë, ecuria e Shqipërisë në rrugën drejt BE, identifikimi i perspektivave ekonomike për forcimin e mundësive të tregtisë dhe investimeve etj.

Ministri Hasani do të marrë pjesë edhe në forumin e biznesit Shqipëri - Spanjë. Për vitin 2023 Spanja renditet në vendin e 9-të të partnerëve më të mëdhenj tregtarë të Shqipërisë. Tregu spanjoll është i 5-ti më i madhi në vlerë për eksportet shqiptare dhe furnizuesi i 13-të për Shqipërinë. Gjithashtu këtë vit Shqipëria dhe Spanja festojnë 110 vjetorin e marrëdhënieve diplomatike.

igli hasani

Sondazh

Poll