Sport

Alphonso Davies mund të rrëmbehet! Çfarë vendimi ka marrë Bayern Munich në lidhje me futbollistin e kërkuar nga Real Madrid…

Transferimi i Alphonso Davies (23 vjeç) mund të përmbyset nga Bayern Munich! Njoftimi është bërë nga një zyrtar i klubit në “Allianz Arena” dhe bisedimet vendimtare do të zhvillohen në ditët në vijim.

13 Mars 2024, 18:01 Nga DOSJA

Alphonso Davies mund të rrëmbehet! Çfarë vendimi ka

GJERMANI - Mbrojtësi kanadez është ende nën kontratë me Bayern Munich deri në fund të sezonit 2024-2025, dhe ai mund të nënshkruajë një zgjatje të kontratës me Bayern Munich, edhe pse Real Madrid është në gjurmët e tij.

Transferimi i Alphonso Davies mund të përmbyset nga Bayern Munich! Sa i ofrojnë bavarezët futbollistit që të mos largohet nga skuadra. Drejtori sportiv bavarez, Cristoph Freund, ka zbuluar se skuadra e “Allianz Arena” është në bisedime me Alphonso Davies për të vazhduar kontratën e tij.

“Ka diskutime që po zhvillohen shumë mirë dhe janë të hapura. Do të shohim se çfarë do të ndodhë në javët në vijim. Një rinovim i kontratës ka gjasa. Ai ndihet rehat në Mynih dhe Bayern. Ai nuk ka aspak ndjenja negative”,- tha Cristoph Freund, sipas “Sky Germany”.

Një diskutim vendimtar mes agjentit të kanadezit dhe Bayern Munichut do të zhvillohet në ditët në vijim, por pika më e ndjeshme në kontratën e futbollistit është paga e kërkuar.

Klubi i drejtuar nga Thomas Tuchel është i gatshëm t'i ofrojë futbollistit deri në 13 milionë euro në sezon, por Alphonso Davies do të donte një pagë prej 20 milionë eurosh. Nëse Bayern Munich nuk arrin marrëveshje me mbrojtësin kanadez, ai mund të largohet nga klubi bavarez, si një transferim i lirë verën e ardhshme.

Alphonso Davies mund të rrëmbehet! Çfarë vendimi ka

Si mund të përfundonte kanadezi te Real Madrid

Pas transferimit të Kylian Mbappe, Real Madridi nuk dëshiron të heqë dorë nga nënshkrimi i Alphonso Davies dhe ka dy opsione për ta përfunduar transferimin.

Nëse Bayern Munich nuk arrin një konsensus me mbrojtësin e majtë, klubi i “Santiago Bernabeu” mund të bëjë një ofertë modeste për të këtë verë. Gjermanët mund të pranonin për të mos e humbur falas kanadezin, si rasti i Toni Kroos, një dekadë më parë.

Megjithatë, nëse ai nuk shitet këtë verë, Alphonso Davies mund të përfundojë në oborrin e Madridit, si lojtar i lirë, ashtu si David Alaba, në vitin 2021.

Por, skuadra e drejtuar nga Carlo Ancelotti, ka arritur një marrëveshje verbale me futbollistin e Bayern Munichut, sipas “The Athletic”.

Shifrat e Alphonso Davies…

Futbollisti kanadez mbërriti në fillim të vitit 2019 te Bayern Munich në këmbim të 14 milionë eurove. Ai luajti 183 ndeshje për kampionët e Gjermanisë, duke shënuar shtatë gola dhe duke dhënë 17 asistime.

Gjatë gjithë karrierës së tij, futbollisti luajti vetëm për Vancouver Whitecaps dhe Bayern Munich. Mbrojtësi i majtë ka 44 ndeshje për Kanadanë dhe ka shënuar 15 gola për vendin e tij. Pjesa e tregut e Alphonso Davies është 70 milionë euro, sipas Transfermarkt.

B.T (Dosja.al)

Sondazh

Poll

MË SHUMË