Aktualitet

VIDEO/ Sulmohen dy transgjinorë në qendër të Selanikut, vihen në pranga 21 të rinj, mes të arrestuarve edhe shqiptarë

Pamjet nga rrjetet sociale tregojnë se dhjetëra të rinj kanë sulmuar verbalisht në fillim dy personat transgjinorë të moshës 21-vjeç dhe më pas kanë dashur ti dhunojnë duke hedhur drejt tyre sende të forta

10 Mars 2024, 16:50 Nga N.F
VIDEO/ Sulmohen dy transgjinorë në qendër të Selanikut,
Autorët e sulmit

GREQI- Dy transgjinorë janë sulmuar mbrëmjen e djeshme në sheshin Aristoteli në qendër të Selanikut. Mësohet se për sulmin ndaj dy të rinjve janë arrestuar 21 persona mes tyre edhe shqiptarë. Mediat greke bëjnë më dije se autorët e sulmit janë të mitur dhe një 41-vjeçar.

Pamjet nga rrjetet sociale tregojnë se dhjetëra të rinj kanë sulmuar verbalisht në fillim dy personat transgjinorë të moshës 21-vjeç dhe më pas kanë dashur ti dhunojnë duke hedhur drejt tyre sende të forta. Ata kanë hyrë në një prej restoranteve të zonës ku personeli ka njoftuar forcat policore të cilët më pas kanë kryer arrestimet.

Gjithashtu, hetimi i autoriteteve vijon për identifikimin e personave të tjerë që morën pjesë në sulmin homofobik ndaj dy personave, ndërsa nuk përjashtohet, në varësi të rrjedhës së hetimeve, që të ndiqen penalisht edhe prindërit e të miturve për neglizhencë e mbikëqyrjes ndaj fëmijëve.

Një nga dy viktimat e sulmit ka reaguar në rrjetin e tij social në Instagram ku është shprehur se autorët duhet të mësojnë se farë do të thotë respekt dhe të mos e nxjerrin zemërimin e tyre me agresion.

“Nuk do të mbeteni pa u ndëshkuar. Do të mësoni se çfarë do të thotë respekt, do të mësoni ta përvetësoni gjithë atë zemërim me veten tuaj dhe të mos e nxirrni atë në mënyrë agresive te njerëzit e tjerë. Ky nuk është sulmi i parë dhe as i fundit që marr, sigurisht kurrë më në një shkallë të tillë. Por unë do t'ju them, nuk do të dorëzohem, do të shkoj në ekstreme për të ndëshkuar dhe ilustruar këtë lloj sjelljeje! Nëse është e nevojshme, do ta paguaj me jetën time.

Për të gjitha 20 vitet që kam jetuar dhe luftuar, do t'ua jap të gjithë njerëzve që kanë humbur padrejtësisht. Ju mund të mendoni se keni lirinë për të sulmuar pakicat, por në realitet nuk keni liri. Jo sociale, por personale, dhe për këtë më vjen shumë keq për ty, që nuk je shprehur me të vërtetë një herë në jetë, se nuk do të arrish kurrë të mësosh se çfarë do të thotë solidaritet,” shkruan i riu.

 

sulm greqi shqiptare

Sondazh

Poll

MË SHUMË