Bota

Anijet italiane në shenjestër nga rebelët Houthi, e ardhmja e tyre në Detin e Kuq e pasigurt

Lidhur me rrëzimin e dronit në ngushticën Bab al-Mandab, ai komentoi se nuk duhej të ndodhte duke thënë: Ne nuk vendosëm të synonim anijet e Italisë, por fakti që ajo ndaloi biznesin tonë është i papranueshëm. Misioni për të mbrojtur anijet izraelite dhe amerikane kërcënon sigurinë e anijeve të Italisë në të ardhmen.

9 Mars 2024, 21:08 Nga S.N
Anijet italiane në shenjestër nga rebelët Houthi, e ardhmja e
Foto Ilustrim

JEMEN- Agjencia italiane e lajmeve  Adnkronos  ka publikuar një intervistë me nënkryetarin e rebelëve Houthi dhe kryetarin e bordit të agjencisë së lajmeve Saba, Nasr al-Din Amer, në lidhje me lajmin e një luftanijeje italiane që rrëzoi një dron Houthi dhe miratimin e fundit nga Parlamenti Italian i ekspeditës Aspides në Detin e Kuq.

Lidhur me rrëzimin e dronit në ngushticën Bab al-Mandab, ai komentoi se nuk duhej të ndodhte duke thënë: Ne nuk vendosëm të synonim anijet e Italisë, por fakti që ajo ndaloi biznesin tonë është i papranueshëm. Misioni për të mbrojtur anijet izraelite dhe amerikane kërcënon sigurinë e anijeve të Italisë në të ardhmen.

Sipas Adnkronos Amer këmbëngul se Houthi nuk kanë sulmuar anijet italiane, duke u bërë thirrje atyre të shmangin informacionet e dyshimta dhe të pasakta. “Ne nuk duam të synojmë Italinë apo vende të tjera”, shton Amer. “Objektivi ynë janë anijet amerikane, britanike dhe izraelite dhe ato që shkojnë drejt entitetit sionist”, tha Amer.

Lidhur me mundësinë që Italia të bëhet objektiv i operacioneve ushtarake Houthi, Amer i tha Adnkronos "le të shohim zhvillimet dhe më pas do të vendosim", por duke shtuar se nëse Italia ndalon përsëri një nga sulmet tona, do të nënkuptojë më shumë përfshirjen e saj në luftë kundër nesh”.

Më në fund, intervista përfundon me Amerin duke theksuar se nuk ka asnjë rrezik (për trafikun tregtar) në Detin e Kuq, përveç se ai është militarizuar nga Amerika dhe Britania.

houthi jemen italia

Sondazh

Poll

MË SHUMË