Bota

VIDEO/ Roboti i parë mashkull i AI bëhet viral, preku të pasmet e gazetares gjatë intervistës

Një video prej 7 sekondash e incidentit është tashmë virale.

9 Mars 2024, 15:44 Nga S.B
VIDEO/ Roboti i parë mashkull i AI bëhet viral, preku të pasmet e
pamje nga ngjarja

ARABI SAUDITE- Zbulimi i robotit të parë humanoid mashkull të Arabisë Saudite "Mohammad" gjatë edicionit të dytë të ‘DeepFast’ në Riad, së fundmi ka ndezur një polemikë në mediat sociale pasi dyshohet se preku në mënyrë të papërshtatshme të pasmet e një gazetareje. Një video prej 7 sekondash e incidentit është tashmë virale.

Në të, reporterja Rawya Kassem, shihet duke folur për një robot i cili i zgjat dorën drejt shpinës, duke i prekur në dukje të pasmet. Gazetares iu desh të ngrinte dorën për ta larguar. Disa përdorues të mediave sociale pohuan se roboti mund të kishte mosfunksionuar, ndërsa të tjerë sugjeruan se veprimi mund të kishte qenë për të nxitur gazetaren të ecë përpara pasi ajo po qëndronte shumë afër tij.

Gjatë lançimit të tij, Mohammad, roboti humanoid, ishte i veshur me një veshje tradicionale të bardhë dhe keffiyeh të kuqe. Ai iu drejtua audiencës me një arabishte të përsosur. Zhvilluar nga QSS Systems, Mohammad tha në ngjarje: Unë jam Mohammad, roboti i parë saudit në formën e një burri. Unë u prodhova dhe u zhvillova këtu në Mbretërinë e Arabisë Saudite si një projekt kombëtar për të demonstruar arritjet tona në fushën e inteligjencës artificiale.

Roboti mund të kryejë detyra që kërkojnë saktësi të lartë ose të punojë në kushte që mund të përbëjnë rrezik për njerëzit, duke kontribuar në rritjen e sigurisë dhe efikasitetit të prodhimit.

roboti humanoid arabi saudite

Sondazh

Poll

MË SHUMË