Sport

Brighton vendos çmimin për De Zerbin: klauzola e lirimit është 14 milionë!...

Nga Barcelona, te Liverpool dhe Bayern: shumë emra të mëdhenj janë të interesuar për trajnerin italian

9 Mars 2024, 09:00 Nga DOSJA

Brighton vendos çmimin për De Zerbin: klauzola e lirimit

ANGLI - Roberto De Zerbi është një nga trajnerët më të kërkuar për sezonin e ardhshëm. Disa emra të mëdhenj të futbollit europian do të ndryshojnë drejtimin teknik dhe emri i trajnerit italian ka përfunduar në listat e tyre.

Nga Liverpooli te Barcelona, përmes Bayern Munichut dhe Manchester United: kushdo që dëshiron De Zerbi do të duhet të paguajë klauzolën e lirimit të tij prej 14 milionë euro, duke qenë se Brighton nuk ka ndërmend të ofrojë zbritje.

De Zerbi, i cili sezonin e kaluar drejtoi Brighton për të luajtur për herë të parë në një kompeticion evropian, Europa League, ka një kontratë me anglezët deri më 30 qershor 2026.

Pep Guardiola do ta rekomandonte atë te presidenti i Barcelonës, Joan Laporta, ndërsa në Angli, Manchester United është bashkuar me Liverpool dhe Chelsea. Në Gjermani objektivi numër 1 i Bayernit është Xabi Alonso, por edhe De Zerbi po monitorohet me shumë vëmendje.

Sirenat po bien prej javësh dhe nuk do të jetë e lehtë për Brighon ta mbajë trajnerin italian. Ende në garë në Europa League, ku pret ndeshjen e kthimit për 1/16 kundër Romës, Brighton gjendet në vendin e 9-të në Premier League, vetëm tre pikë larg nga i shtati, pika e fundit e nevojshme për të hyrë në Evropë, duke patur parasysh Conference League.

B.T (Dosja.al)