Rrjeti i Gazetarëve të Sigurt shprehu shqetësimin për një fushatë të re shpifjeje ndaj gazetares Ola Xama, nga gazeta DITA dhe portali Prapaskena.com, të cilat janë paditur për shpifje nga Xama mbi një fushatë të mëparshme kundër saj pas publikimit të një investigimi mbi rolin e kryetarit të Bashkisë Tiranë, Erion Veliaj në aferën e incineratorit të Tiranës.
TIRANË- Rrjeti i Gazetarëve të Sigurt, një aleancë organizatash në rajonin e Ballkanit, shprehu shqetësim dhe zhgënjim të thellë për riaktivizimin e një fushate denigruese dhe shpifëse kundër gazetares Ola Xama nga e përditshmja DITA dhe portali Prapaskena.
Të dy mediat janë paditur për shpifje nga gazetarja pas një fushate të ngjashme të ndërmarrë verën e kaluar, në vijimësi të publikimit të një investigimi që Xama bëri në lidhje me rolin e kryetarit të Bashkisë së Tiranës Erion Veliaj në aferën e inceneratorit të Tiranës.
“Rrjeti i Gazetarëve të Sigurt shpreh shqetësim të thellë dhe zhgënjim mbi vijimin dhe intensifikimin e fushatës së shpifjeve kundër gazetares Ola Xama, një gazetare investigative në Shqipëri,” shkruhet në deklaratën e shpërndarë të enjte.
“Në një seri të re artikujsh në platformat si gazeta e përditshme DITA dhe Prapaskena, Xama është sulmuar si “e përdalë” ndërsa ekspozimi i adresës së saj private dhe sulmet ndaj familjarëve të saj janë jo vetëm e dënueshme por edhe një përpjekje e hapur për ta frikësuar dhe për ta shtyrë atë drejt heshtjes,” thuhet në deklaratë.
Xama u vendos nën sulm nga një numër portalesh verën e kaluar pas publikimit të investigimit Projekti i inceneratorit të Tiranës u propozua nga Erion Veliaj, thotë SPAK.
Pas publikimit të investigimit, Veliaj i shkroi në një mesazh privat Xamës duke e shpallur atë “vrasëse me pagesë” dhe “militante”, një terminologji që u shumëfishua nga portale të ndryshme online dhe nga gazeta DITA për ditë të tëra.
Xama iu drejtua gjykatës me padi për shpifje kundër Ditës dhe Prapaskenës në lidhje me këto fushata denigruese.
“Rrjeti i Gazetarëve të Sigurt solidarizohet me Ola Xamën, në mbështetje të të drejtës së saj për raportim të lirë dhe pa frikë. Ne i bëjmë thirrje mediave në fjalë të ndërpresin menjëherë sulmet e tyre të pabaza dhe dëmtuese kundër znj. Xama dhe të respektojnë standardet e integritetit dhe etikës në gazetari,” shkruhet në deklaratë.
“Ne i bëjmë thirrje të gjithë aktorëve të na bashkohen në mbrojtjen e të drejtave të grave gazetare dhe në promovimin e një panorame mediatike në të cilën gazetaret të mund të punojnë pa frikë për sulme apo diskriminim.”/BIRN
Foto ilustruese GREQI- Një ndjekje në qendër të Athinës për pak sa nuk është kthyer në tragjedi. Mësohet ...
Pamje nga ekstradimi TIRANË- 56-vjeçari, Gëzim Çelaj është ekstraduar në Shqipëri nën masa të rr...
Harta TIRANA- Vit pas viti Shqipëria po përkeqëson renditjen e saj në Europë sa i takon treguesit e lindshmërisë pë...
Hyrije Cikopano TIRANË- Policia e Tiranës ka njoftuar ditën e somte zhdukjen e Hyrije Cikopano. Më tej në njoftim bëhet ...
KLP TIRANË- Këshilli i Lartë i Prokurorisë ka emrëruar në detyrë prokurorin e 18-të, zotin Ols Dado, si prokuror n&...
Foto ilustruese FIER- Tre persona janë arrestuar janë arrestuar në Fier nën akuzën “Mbajtja pa leje dhe prodhimi i...
Foto ilsutruese SHKODËR- Një zjarr është regjistruar ditën e sotme në një banesë në Shkodër. Mësohet...
Dibran Hoxhaj KOSOVË- Dibran Hoxhaj i njohur si “Kobra” së bashku me Roland Susuri, Arben Vezaj, Burim Mazreku dhe Jesmir Badalli jan...
Lezha LEZHA- Moti i keq që përfshiu një pjesë të vendit që nga mbrëmja e djeshme ka sjellë probleme në Le...
dogana tirane TIRANË- Gjykata e Tiranës ka pezulluar nga detyra, shtetasin Arbër Halili, specialist në Drejtorinë e Përg...