Aktualitet

VIDEO/ Nën masa të rrepta sigurie, ekstradohet në Shqipëri Gëzim Çelaj

Çelaj është i akuzuar si kreu i një organizate kriminale për trafikim të lëndëve narkotike. 

7 Mars 2024, 13:07 Nga N.F
VIDEO/ Nën masa të rrepta sigurie, ekstradohet në Shqipëri
Pamje nga ekstradimi

TIRANË- 56-vjeçari, Gëzim Çelaj është ekstraduar në Shqipëri nën masa të rrepta sigurie. Çelaj është i akuzuar si kreu i një organizate kriminale për trafikim të lëndëve narkotike. 

“Baroni i drogës” u arrestua në Ferizaj. Ekstradimin e tij drejt Shqipërise e njoftoi Ministria e Drejtësisë më 27 shkurt ku bëhët me dije se 56-vjeçari do të ekstradohet nga Kosova drejt vendit tonë.

Njoftimi i plotë: 

Ekstradohet i shumëkërkuari G. Ç., i akuzuar si kreu i një organizate kriminale për trafikim të lëndëve narkotike. Arrestimi në Ferizaj, Kosovë dhe ekstradimi i 56-vjeçarit, në Shqipëri, rezultate të bashkëpunimit të ngushtë ndërmjet Interpol Tiranës, Policisë së Kosovës dhe ILECU-t.

Si rezultat i partneritetit të konkretizuar me shkëmbim intensiv informacionesh, nëpërmjet Interpol Tiranës, dhe me veprime operacionale të përbashkëra, mes Policisë së Shtetit dhe agjencive ligjzbatuese në Kosovë, paraditen e sotme, u bë i mundur ekstradimi në vendin tonë, i shtetasit të shumëkërkuar G. Ç., 56 vjeç, lindur në Fushë Kuqe, Kurbin.

Shtetasi i shpallur në kërkim ndërkombëtar, G. Ç. u arrestua më 08.12.2023, në Ferizaj, Kosovë, si rezultat i operacionit të përbashkët të koduar “Fundi i trishtë”, pasi Gjykata e Shkallës së Parë për Krimet e Rënda dhe Korrupsionin i ka caktuar masën e sigurisë “Arrest në burg”, për veprat penale “Trafikimi i narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”.

Ai akuzohet si kreu i një organizate kriminale për trafikimin e lëndëve narkotike, nga Shqipëria në Europë. Policia e Shtetit do të vijojë intensivisht, punën dhe operacionet e përbashkëta, me partnerët në të gjithë botën, për të lokalizuar, kapur dhe finalizuar ekstradimet e shtetasve të shpallur në kërkim ndërkombëtar.

 

gëzim Çelaj

Sondazh

Poll

MË SHUMË