Aktualitet

Vrau pronarin e shtëpisë ku punonte se e ngacmoi seksualisht, shqiptarja dënohet me 8 vite burg (EMRI)

Vendimi përfundimtar i Gjykatës së Kasacionit konfirmoi atë që u zbulua nga hetimet, se shqiptarja, pasi kishte pësuar një ngacmim seksual që më pas e ka bërë të godasë trembëdhjetë herë me thikë Amicuccin, duke e lënë të vdekur në vend. 

1 Mars 2024, 13:13 Nga r.ll

 

Vrau pronarin e shtëpisë ku punonte se e ngacmoi seksualisht,
gjjykata e kasacionit

 

ITALI- Gjykata e Kasacionit në Itali ka dënuar me 8 vjet burg 52-vjeçaren shqiptare Mide Ndreu, e cila më 24 nëntor 2021 goditi me thikë pensionistin Antonio Amicucci, 68 vjeç, në shtëpinë e të cilit punonte si ndihmëse shtëpiake.

Ajo ishte dënuar me 16 e gjysmë vite burg për vrasje me dashje të shkallës së parë në Novara, por vitin e kaluar gjykata e Apelit të Torinos njohu rrethanat e përgjithshme lehtësuese dhe atë specifike të provokimit, të mohuar në shkallë të parë, duke e ulur dënimin në tetë vite, raportojnë mediat italiane.

Vendimi përfundimtar i Gjykatës së Kasacionit konfirmoi atë që u zbulua nga hetimet, se shqiptarja, pasi kishte pësuar një ngacmim seksual që më pas e ka bërë të godasë trembëdhjetë herë me thikë Amicuccin, duke e lënë të vdekur në vend. 

Më pas Ndreu telefonoi për ndihmë dhe u arrestua nga karabinierët. Pas arrestimit,  ajo tregoi menjëherë për ngacmimet që kishte pësuar prej disa kohësh dhe e kishte justifikuar goditjen me thikë si vetëmbrojtje, duke theksuar se kishte reaguar me vrull dhe pa vullnetin për të vrarë të moshuarin.

mide ndreu itali

Sondazh

Poll

MË SHUMË