Art&Argëtim

Ryan Gosling do të performojë këngën "I'm just Ken" në Oscars muajin e ardhshëm

Në kopertinën e tij të Variety në fillim të shkurtit, Gosling këmbënguli se Akademia nuk i kishte kërkuar ende të performonte.

27 Shkurt 2024, 22:50 Nga S.B

Ryan Gosling

SHBA- Pas muajsh spekulimesh, aktori Ryan Gosling do të performojë zyrtarisht këngën nga filmi Barbie me titull "I'm Just Ken" live në ceremoninë e Oscars. Burimet thonë se aktori do të këndojë këngën e nominuar për çmimin Oscar nga "Barbie" gjatë ceremonisë së 96-të vjetore më 10 mars. Në kopertinën e tij të Variety në fillim të shkurtit, Gosling këmbënguli se Akademia nuk i kishte kërkuar ende të performonte.

“Mund të jetë një rrezik i madh që unë ta bëj këtë”, tha Gosling, i cili është i gatshëm për një Oscar aktrimi për rolin e tij si Ken. “Nuk e di se si do të funksiononte. Por unë jam i hapur për çdo gjë.”

Mark Ronson, i cili shkroi këngën me Andrew Wyatt, tha se ishte ëndrra e tij që Gosling të performonte në Academy Awards. Kur u pyet nëse do ti jepej një këngëtari tjetër, nëse Gosling nuk do të donte të performonte "I'm Just Ken" live gjatë Oscars, Ronson tha: Jo. Unë mendoj se nëse Ryan nuk e bën atë, atëherë ne nuk do e realizojmë fare.

"I'm Just Ken" është një nga dy këngët e filmit "Barbie" që fituan një nominim për Oscar për këngën më të mirë origjinale. Tjetra është "What was I made for?" nga Billie Eilish dhe Finneas, e cila fitoi çmimin Grammy për këngën më të mirë të shkruar për mediat vizuale mbi "I'm Just Ken" dhe hitin "Barbie" "Dance the Night" nga Dua Lipa.