Politike

"Qeveria e krimit e ka mbushur paraburgimin me të pafajshëm", Berisha: Nuk ka akuzë mbi ta, arrestohen vetëm për statistika

Sipas Berishës qeveria ka mbushur paraburgimet me persona të pafajshëm ku ka shtuar se mbi ta nuk ka akuza dhe se arrestohen për statistika.

25 Shkurt 2024, 19:03 Nga N.F
"Qeveria e krimit e ka mbushur paraburgimin me të
Sali Berisha

TIRANË- Kreu i Partisë Demokratike, Sali Berisha gjatë fjalës së tij të mbajtur sot para mbështësve të tij ka folur në lidhje me çështjen e të paraburgosurvenë vend, problematikë e cila po trajtohet ditët e fundit.

Sipas Berishës qeveria ka mbushur paraburgimet me persona të pafajshëm ku ka shtuar se mbi ta nuk ka akuza dhe se arrestohen për statistika. Berisha më tej gjatë fjalës së tij u shpreh se ky është dhunim i të drejtave të njëriut.

Fjala e plotë:


Çdo natë qytetarët e këtij vendi, ndjekin fjalimet tuaja, ndjekin parlamentin tuaj të fjalës së lirë, i cili është vite drite larg parlamentit Rama-Linda, i cili është vite drite larg parlamentit të krimit, që voton buxhet në 4 minuta, që shtyp liritë dhe të drejtat e popullit opozitar. Nga kjo rrugicë, nga ky parlament ju përcillni shqiptarëve të vërteta e mëdha. Ju denonconi këtu si luftëtarë të pamposhtur, Edi Ramën, monizmin e shëmtuar të tij, diktaturën e tij, të bazuar në aleancën me krimin, drogën dhe vjedhjen e shqiptarëve. Në aleancën siç e kanë thënë vetë me krenari, aleancën e qelbësirave. Çdo natë nga kjo rrugicë, me guxim, ju mbroni liritë dhe të drejtat e qytetarëve shqiptarë ndaj të cilave sot ka një agresion nga narkoshteti, njëlloj si në diktaturat e egra.

Miqtë e mi! Jashtë dritave të qytetit, në burgjet e këtij vendi është ulur mesjeta. Shqipëria sot është i vetmi vend në Europë, botë, që 62% të të gjithë të burgosurve i ka me paraburgim.
Ky është dhunim masiv i të drejtave të njeriut. I ka me paraburgim se janë të pafajshëm, sepse nuk ka akuzë mbi ta, sepse arrestohen vetëm e vetëm për statistika. Se ky ministër që është turpi i ministrit, turpi i njeriut, që është i lidhur kokë e këmbë me krimin, urdhëron dhe arrestohen njerëz pa asnjë lidhje me krimin, i plasin në burgje dhe i lënë aty.

Ju denonconi këtu një diktaturë, e cila njëlloj si në Rusi, Tunizi, Ugandë, arreston si person nën hetim, pa asnjë provë, fakt apo dokument, kryetarin e PD-së. Arreston tjetrin pse ka marrë 410 metra tokë të veten, trashëgim të familjarëve të tij. Ju denonconi një diktaturë të shëmtuar që ka krijuar për vete, drejtësinë më të shëmtuar më të shpërfytyruar që ka pasur dhe ka Shqipëria apo ndonjë vend tjetër.

sali berisha pd

Sondazh

Poll

MË SHUMË