Sport

VIDEO / Rikthehet dhuna në futbollin shqiptar, ndërhyn policia në Kukës!

Një episod që njollos futbollin shqiptar, pasi Kukësi pritet që të bëhet subjekt i Komisionit të Disiplinës, me tifozët e Kukësit që me shumë gjasa do mund të rikthehen në shkallët e stadiumit vetëm në fundin e sezonit, gjithnjë nëse Disiplina nuk vepron me dorë të hekurt.

25 Shkurt 2024, 17:06 Nga DOSJA
VIDEO / Rikthehet dhuna në futbollin shqiptar, ndërhyn policia në

KUKES - Skenat e pahijshme janë ritkhyer në futbollin shqiptar, teksa në Kukës Arena, ndeshja mes Kukësit dhe Erzenit u ndërpre pasi tifozët vendas pushtuan fushën e lojës. Në minutën e 64-të, shijakasit arritën që të shënonin golin e përmbysjes me anë të Zekës, duke i dëguar shifrat në 1-2 në favorin e Erzenit.

Ky moment irritoi disa tifozë të Kukësit që u futën në fushën e lojës. Gjyqtari Yzeiraj tërhoqi skuadrat në dhomat e zhveshjes. Një episode i paprecedentë, për mënyrën se si shkuan gjërat.


Pas mbledhjes së organizuar, delegati i ndeshjes vendosi që stadium Kukës Arena të zbrazej në pjesët pas portave, në mënyrë që loja të rifillonte. Pas rreth gjysmë ore, loja rinisi sërish në të 65-tën minutë.

Një episod që njollos futbollin shqiptar, pasi Kukësi pritet që të bëhet subjekt i Komisionit të Disiplinës, me tifozët e Kukësit që me shumë gjasa do mund të rikthehen në shkallët e stadiumit vetëm në fundin e sezonit, gjithnjë nëse Disiplina nuk vepron me dorë të hekurt.

Pas rinisjes së lojës, Kukësi u përpoq që të merrte diçka por nuk ia doli që të shënonte, dhe Erzeni fitoi 2-1 falë golave të Kahrimovic dhe Zekës, ndërkohë që verilindorët regjistrojnë humbjen e shtatë radhazi duke mbetur në vendin e fundit me vetëm 19 pikë.

B.T (Dosja.al)

Sondazh

Poll

MË SHUMË