Aktualitet

Dhunoi bashkëjetuesen e tij, arrestohet në flagrancë 20-vjeçari në Dibër

Policia është njoftuar nga fqinjët e tyre, pas debateve dhe dhunës që kishin dëgjuar.

25 Shkurt 2024, 09:54 Nga I.A
Dhunoi bashkëjetuesen e tij, arrestohet në flagrancë
Policia

DIBËR- Një 20-vjeçar është arrestuar ditën e sotme në Dibër për dhunë në familje. Mësohet se i riu është prangosur në flagrancë, pasi po dhunonte bashkëjetuesen e tij. Policia është njoftuar nga fqinjët e tyre, pas debateve dhe dhunës që kishin dëgjuar.

Njoftimi i Policisë:

Dibër/U konfliktua dhe ushtroi dhunë fizike ndaj bashkëjetueses së tij, ndërhyrja në kohë e Policisë parandaloi përshkallëzimin e mëtejshëm të konfliktit dhe arrestoi në flagrancë 20-vjeçarin. Shërbimet e Komisariatit të Policisë Dibër, pas marrjes së njoftimit se në fshatin Zall Reç, po ndodhte një konflikt në familje, kanë reaguar menjëherë duke parandaluar përshkallëzimin e mëtejshëm të konfliktit.

Si rezultat, shërbimet e Policisë kapën dhe arrestuan në flagrancë shtetasin A.Sh., 20 vjeç, banues në fshatin Zall Reç, Dibër. Ky shtetas, për motive të dobëta ishte konfliktuar dhe kishte dhunuar fizikisht bashkëjetuesen e tij. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

dhune ne familje

Sondazh

Poll

MË SHUMË