Bota

Solli një nga evakuimet më të mëdha në Britani, bomba 500 kg e Luftës së Dytë Botërore shpërthehet në det

Eksplozivi 500 kilogramësh u zbulua të martën në oborrin e shtëpisë në Plymouth, një qytet port në bregun jugperëndimor të Britanisë. 

24 Shkurt 2024, 22:19 Nga r.ll
Solli një nga evakuimet më të mëdha në Britani, bomba
foto nga operacioni i shperthimit

BRITANI- Një bombë e kohës së Luftës së Dytë Botërore, zbulimi i së cilës shkaktoi një nga evakuimet më të mëdha në kohë paqeje në historinë britanike, është shpërthyer në det, tha të shtunën Ministria britanike e Mbrojtjes.

Eksplozivi 500 kilogramësh u zbulua të martën në oborrin e shtëpisë në Plymouth, një qytet port në bregun jugperëndimor të Britanisë. Më shumë se 10,000 banorë u evakuuan për të garantuar sigurinë e tyre, ndërsa një autokolonë ushtarake transportoi bombën e pashpërthyer përmes një zone banimi të dendur me popullsi në një traget, nga e cila u nxorr në det.

"Unë mendoj se është e drejtë të thuhet se ditët e fundit do të hyjnë në histori për Plymouth," tha Tudor Evans, udhëheqësi i Këshillit të qytetit.

Plymouth, shtëpia e bazave kryesore detare për shekuj, ishte një nga qytetet më të bombarduara në Britani gjatë Luftës së Dytë Botërore. Pesëdhjetë e nëntë sulme ajrore të veçanta vranë 1,174 civilë, sipas zyrtarëve lokalë. Bastisjet shkatërruan pothuajse 3,800 shtëpi dhe dëmtuan rëndë 18,000 të tjera.

britani plymouth

Sondazh

Poll

MË SHUMË