Bota

Irani mohon akuzat se ka furnizuar me raketa balistike Rusinë

Ndërsa disa ditë më parë SHBA-ja tha se do të kishte një përgjigje të fortë ndërkombëtare për çdo lëvizje të tillë.

23 Shkurt 2024, 21:40 Nga S.N

Irani mohon akuzat se ka furnizuar me raketa balistike Rusinë

Foto Ilustrim

IRAN- Irani ka mohuar ditën e sotme se ka furnizuar Rusinë me raketa balistike. Ndërsa disa ditë më parë SHBA-ja tha se do të kishte një përgjigje të fortë ndërkombëtare për çdo lëvizje të tillë. Reuters raportoi se Irani kishte furnizuar Rusinë me një numër të madh armësh të fuqishme.

“Pavarësisht kufizimeve ligjore për shitjet e raketave balistike, Irani është moralisht i detyruar të përmbahet nga transaksionet e armëve gjatë luftës Rusi-Ukrainë për të parandaluar fillimin e luftës. Ky qëndrim bazohet në respektimin e Iranit ndaj ligjit ndërkombëtar dhe Kartës së OKB-së," tha delegacioni iranian në Kombet e Bashkuara në një postim në X.

Kufizimet e Këshillit të Sigurimit të OKB-së për eksportet e raketave, dronëve dhe teknologjive të tjera të Iranit përfunduan në tetor. Megjithatë, SHBA-ja dhe BE-ja mbajtën sanksione ndaj programit të raketave balistike të Iranit, mes shqetësimeve për eksportet e armëve për përfaqësuesit e saj në Lindjen e Mesme dhe Rusinë.

Irani fillimisht e mohoi furnizimin me dronë për Rusinë, por muaj më vonë pranoi se kishte furnizuar një numër të vogël dronësh përpara se Rusia të fillonte pushtimin e saj në Ukrainë më 24 shkurt 2022.

iran raketa balistike rusi