Aktualitet

EMRI/ Vjedhje dhe shkelje e rregullave të qarkullimit rrugor, arrestohen 2 persona në Fier

U arrestua Ermal Zhavari 33 vjeç pasi Gjykata e ka dënuar me 3 vjet e 5 ditë burgim, për veprën penale "Shkelja e rregullave të qarkullimit rrugor".

23 Shkurt 2024, 14:49 Nga E.d
EMRI/ Vjedhje dhe shkelje e rregullave të qarkullimit rrugor, arrestohen 2
Policia

FIER- Arrestohen 2 persona në Fier dhe procedohen 2 të tjerë për vepra penale të ndryshme, gjithashtu shpallet në kërkim dhe një tjetër. U arrestua Ermal Zhavari 33 vjeç pasi Gjykata e ka dënuar me 3 vjet e 5 ditë burgim, për veprën penale "Shkelja e rregullave të qarkullimit rrugor". Gjithashtu 24-vjeçarja me iniciale E.S u arrestua pasi ajo është dënuar me 14 muaj burgim, për veprën penale "Vjedhja". 

Ndërsa Prokuroria nisi procedimet për 26-vjeçarin me iniciale A.GJ pasi dyshohet se ka hapur një llogari false në rrjetet sociale në të cilën ka postuar foto të një 24-vjeçare. Po ashtu u procedua 35-vjeçari me iniciale G.B pasi nga veprimet hetimore dhe këqyrja e celularëve të sekuestruar, rezultoi se ky shtetas ushtronte këtë veprimtari të paligjshme. 39-vjeçari me iniciale A.SH është shpallur në kërkim pasi dyshohet se ka kanosur nëpërmjet telefonit, bashkëshortin e motrës së tij.

Njoftimi i Policisë: 

Gjithashtu, këta specialistë ndaluan shtetasin në kërkim Ermal Zhavari, 33 vjeç, banues në fshatin Kafaraj, pasi Gjykata e ka dënuar me 3 vjet e 5 ditë burgim, për veprën penale "Shkelja e rregullave të qarkullimit rrugor". Specialistët për Hetimin e Krimeve Ekonomiko-Financiare të DVP Fier referuan materialet në Prokurori ku nisi procedimi në gjendje të lirë për shtetasin A. Gj., 26 vjeç, banues në Angli, pasi dyshohet se ka hapur një llogari false në rrjetet sociale në të cilën ka postuar foto të një 24-vjeçare.

Specialistët për Hetimin e Krimeve të Komisariatit të Policisë Lushnjë, në vijim të veprimeve të kryera për një rast të lojërave të fatit, për të cilin u dha njoftim ditën e djeshme, referuan materialet në Prokurori, ku nisi procedimi në gjendje të lirë për shtetasin G. B., 35 vjeç, banues në Lushnjë, pasi nga veprimet hetimore dhe këqyrja e celularëve të sekuestruar, rezultoi se ky shtetas ushtronte këtë veprimtari të paligjshme.

Specialistët për Hetimin e Krimeve të Komisariatit të Policisë Divjakë referuan materialet në Prokurori dhe shpallën në kërkim shtetasin A. Sh., 39 vjeç, banues në fshatin Ballagat, Lushnjë, pasi dyshohet se ka kanosur nëpërmjet telefonit, bashkëshortin e motrës së tij.

Specialistët për Hetimin e Krimeve të Komisariatit të Policisë Mallakastër ndaluan shtetasen E. S., 24 vjeçe, banuese në Mallakastër, pasi Gjykata e ka dënuar me 14 muaj burgim, për veprën penale "Vjedhja", nga të cilat i kanë mbetur për të kryer 3 muaj e 8 ditë burgim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme. Më datë 22.02.2024, në Komisariatin e Policisë Lushnjë, është paraqitur shtetasi E. G., 45 vjeç, i cili ka bërë kallëzim se në magazinën ku ai është administrator, në lagjen “15 Tetori”, Lushnjë, janë vjedhur vegla pune me vlerë rreth 30 000 lekë. Po punohet për identifikimin dhe kapjen e autorëve

Sondazh

Poll

MË SHUMË