Aktualitet

Vrasja në Durrës/ Vajza e ka qëlluar me 4 plumba të atin, arma e krimit ende nuk është gjendur

Ndërkohë që vijojnë kërkimet për armën e krimit, më herët vajza ka dëshmuar se e ka kryer e vetme të gjithë vrasjen dhe groposjen e 50-vjeçarit dhe nuk është ndihmuar nga askush tjetër.

23 Shkurt 2024, 13:03 Nga r.ll
Vrasja në Durrës/ Vajza e ka qëlluar me 4 plumba të atin,
pellumb meta

DURRËS- Sipas detajeve më të fundit të zbardhura nga vrasje e rëndë në Durrës, mësohet se 19-vjeçarja e ka qëlluar me 4 plumba babain e saj 50-vjeçar. Ndërkohë që vijojnë kërkimet për armën e krimit, më herët vajza ka dëshmuar se e ka kryer e vetme të gjithë vrasjen dhe groposjen e 50-vjeçarit dhe nuk është ndihmuar nga askush tjetër. Gjithashtu ajo ka thënë se e ka hedhur në det armën e krimit. 

Sipas informacioneve, policia nuk e ka besuar versionin e saj që e ka kryer çdo gjë e vetme dhe as për armën që e ka hedhur në det. Por vrasjen, e ka kryer ajo sepse i janë gjetur faktor plotësues në duar. Ndërsa pjestarëve të tjerë të familjes jo, çfarë do të thotë se qitjen e ka bërë vajza. Në trupin e viktimës janë gjetur 4 plumba dhe vetë autorja thotë se e ka qëlluar 4 herë. Familjarët e tjerë gjithashtu po merren në pyetje nga policia, pasi dyshohen si të implikuar në krimin e rëndë. 

Si ndodhi ngjarja e rëndë? 

Pëllumb Meta, 50-vjeç ishte raportuar i zhdukur nga djali i 10 ditë më parë. Pas kallëzimit për zhdukje, policia ka ngritur dyshimet se mund të jetë një ngjarje kriminale dhe kanë nisur hetimet. Gjatë marrjes në pyetje të familjes lidhur me zhdukjen e Metës, ka qenë vajza e tij Hygerta Meta, e cila pasi është pyetur disa herë, ka treguar se e ka vrarë babanë e saj dhe e ka varrosur në kasollen pranë banesës së tyre. 

pellumb meta hygerta meta

Sondazh

Poll