Aktualitet

DETAJE nga ngjarja e rëndë në Durrës/ "E qëllova me armën e tij", viktima ishte lidhur me litar para se të groposej

Sipas dëshmisë së saj ajo ka deklaruar se e ka vrarë babanë pranë banesës në kasolle me një pistoletë për të cilën ajo pretendon se e mbante i ati pasi ky i fundit punonte si roje nate.

23 Shkurt 2024, 09:27 Nga r.ll

 

DETAJE nga ngjarja e rëndë në Durrës/ "E qëllova
foto ilustruese

 

DURRËS- Janë zbuluar detaje të reja nga ngjarja e rëndë që ka ndodhur në Durrës. Pëllumb Meta, i cili ishte raportuar i zhdukur 10 ditë më parë, është vrarë nga vajza e tij e cila më pas e ka groposur në kasolle. 

Pas kallëzimit për zhdukjen e 50-vjeçarit, policia kishte dyshime se kishte të bënte me një ngjarje kriminale dhe nisi marrjen në pyetje të gjithë familjes që përbëhej nga 5 anëtarë (viktima dhe gruaja e tij dhe 2 djemtë dhe vajza).

Ajo që ka treguar ngjarjen ka qenë vajza e tij, Hygerta Meta 19 vjeç, e cila pasi është marrë disa herë në pyetje ka treguar se ajo ka vrarë babanë e saj sepse donte ta fejonte pa dëshirë dhe kishin pasur konflikte edhe më parë. Sipas dëshmisë së saj ajo ka deklaruar se e ka vrarë babanë pranë banesës në kasolle me një pistoletë për të cilën ajo pretendon se e mbante i ati pasi ky i fundit punonte si roje nate. E bija në dëshmi ka deklaruar se pasi e ka vrarë me armë zjarri e ka varrosur të atin në kasolle

Ndërkohë policia po vijon hetimet për të zbardhur plotësisht ngjarjen pasi dyshohet se vajza nuk ka vepruar e vetme dhe mund të ketë bashkëpunëtorë. Trupi i 50-vjeçari është çuar në Institutin e Mjekësisë Ligjore për kryerjen e ekspertizës. Nga kqyrja paraprake është vërejtur që e kishin lidhur me litar para se ta varrosnin.

vrasje ne durres hygerta meta pellumb meta

Sondazh

Poll

MË SHUMË