Aktualitet

Vodhi telefonin e një personi, arrestohet i riu në Shijak/ I moshuari me probleme mendore humbet kontaktin me familjarët

Policia e Kavajës po punon për gjetjen e tij.

22 Shkurt 2024, 12:09 Nga S.B
Vodhi telefonin e një personi, arrestohet i riu në Shijak/ I moshuari
foto ilustruese

DURRËS- Arrestohet një 28-vjeçar në Shijak ditën e sotme. Mësohet se i riu me inicialet O.K ka vjedhur telefonin e një personi tjetër. 28-vjeçari akuzohet nga Prokuroria e Durrësit për veprën penale të vjedhjes.

Një tjetër ngjarje ka ndodhur në Kavajë ku një 79-vjeçar me inicialet B.C i cili vuan nga problemet mendore, ka humbur kontaktet me motrën e tij 89-vjeçare. Policia e Kavajës po punon për gjetjen e tij.

Njoftimi i policisë:

Durrës/Specialistët për Hetimin e Krimeve të Komisariatit të Policisë Shijak arrestuan shtetasin O. K., 28 vjeç, banues në Shijak, pasi i ka vjedhur celularin, një shtetasi. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhja”.

Në Komisariatin e Policisë Kavajë ka bërë kallëzim shtetasja Sh. Ç., 89 vjeçe, banuese në Durrës, se ka humbur kontaktet me vëllanë e saj, shtetasin B. C., 79 vjeç, banues në Kavajë, i cili vuan nga probleme mendore. Po punohet për gjetjen e tij.

durres kavaje vjedhje

Sondazh

Poll

MË SHUMË