Art&Argëtim

I dërgoi 8000 letra dhe ftesa dasmash në shtëpi, "frikësohet" Harry Styles nga përndjekësja braziliane

20 Shkurt 2024, 15:50 Nga S.B

I dërgoi 8000 letra dhe ftesa dasmash në shtëpi,

Harry Styles

LONDËR- Një grua e akuzuar për përndjekjen e këngëtarit Harry Styles dërgoi më shumë se 8,000 kartolina në shtëpinë e tij në vetëm një muaj. Myra Carvalho, 35 vjeç, udhëtoi nga Brazili dhe po qëndronte në një bujtinë në Earls Court, në perëndim të Londrës, kur thuhet se kishte dërguar breshërinë e postës duke përfshirë edhe kartolina apo ftesa dasmash.

Carvalho, e cila ka një partner aktualisht në shtëpi në Brazil, ishte larguar pa dijeninë e prindërve të saj dhe kishte shprehur 'nxitje seksuale' ndaj aktorit dhe këngëtarit 30-vjeçar Styles. Prindërit e Carvalhos morën pjesë të dy në seancën e përgatitjes për pranimin e fajësisë në Gjykatën Harrow Crown. Të dy u pikëlluan në gjykatë ndërsa panë se vajza e tyre u shfaq përmes video-telefonatës nga burgu Bronzefield në Surrey.

Avokatja e saj, Clementine Simon, i tha gjykatës se mjeku i klientes së saj në Brazil besonte se ajo vuante nga një 'episod maniak' dhe e pyeti nëse ajo ishte e përshtatshme për të pranuar fajësinë. Gjyqtarja Karim Ezzat e dërgoi çështjen e saj për t'u dëgjuar në të njëjtën gjykatë më 19 prill, pasi Carvalho u mbajt në paraburgim.

Harry Styles

Ajo u paraqit në gjykatën e magjistraturës së Highbury Corner më 23 janar, ku u dëgjua se ajo "ndoqi një mënyrë sjelljeje ngacmuese që përbënte përndjekje duke shkaktuar alarm serioz ose shqetësim". Harry ishte kthyer nga një arratisje romantike në Karaibe me të dashurën e tij aktore Taylor Russell kur pretendohet se ai ishte në shënjestrën e brazilianes.

Një burim tha muajin e kaluar: Harry ishte vërtet i tronditur. Kjo ndodhi jo shumë kohë pasi ai ishte kthyer. Harry thjesht dëshiron të vazhdojë normalisht, por kjo ka qenë shqetësuese.

harry styles perndiqet harry styles