Aktualitet

I shkaktuan shtetit 3 mln € dëm me skemën e mashtrimit me TVSH, arrestohen 2 persona në Elbasan

Ata akuzohen se kanë lëshuar fatura me vlera fiktive, në një biznes për shitjen me shumicë të metaleve, me qëllim përfitimin nga TVSH-ja.

20 Shkurt 2024, 12:32 Nga M.B

I shkaktuan shtetit 3 mln € dëm me skemën e mashtrimit me TVSH,

ELBASAN- 38-vjeçari Sajmir Xhafa dhe 46-vjeçari Julian Kalo, të shpallur në kërkim në nëntor të vitit të kaluar, janë arrestuar në Elbasan. Ata akuzohen se kanë lëshuar fatura me vlera fiktive, në një biznes për shitjen me shumicë të metaleve, me qëllim përfitimin nga TVSH-ja.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Njoftimi:

Ata akuzohen për veprat penale “Krijimi i skemave mashtruese lidhur me tatimin mbi vleren e shtuar" dhe "Fshehja e të ardhurave", pasi dyshohet se në bashkëpunim me shtetas të tjerë, nëpërmjet një biznesi për shitjen me shumicë të metaleve, lëshonin fatura të mallrave, me vlera fiktive, që të mashtronin lidhur me TVSH-në, me qëllim përfitimin ekonomik. Në muajin nëntor 2023, për këtë rast u arrestua administratori i biznesit, shtetasi A. P., 62 vjeç, banues në Tiranë.

elbasan arrestime

Sondazh

Poll