Sport

Trajneri Luis Enrique është superior në përballjet ndaj Real Sociedadit…

Klubi “bardheblu” është i katërti me të cilin, Luis Enrique është përballur më shumë (10) dhe i kanë mundur pesë herë.

14 Shkurt 2024, 12:22 Nga DOSJA

Trajneri Luis Enrique është superior në përballjet ndaj Real

Trajneri i PSG-së, Luis Enrique përshëndet ish-trajnerin e Real Sociedad, Eusebio Sacristán gjatë ndeshjes çerekfinale të Kupës së Mbretit

FRANCE - Luis Enrique rikthehet për t'u përballur sonte me Real Sociedad, pas gati shtatë vitesh pa e bërë këtë. Ai do ta bëjë këtë në ndeshjen e parë të fazës së 16-të të Champions League, duke udhëhequr PSG-në.

Deri më sot, trajneri asturian ka luajtur dhjetë herë kundër klubit “bardheblu”, tetë me Barcelonën dhe dy me Celtën. Bilanci është paksa i favorshëm për trajnerin e PSG-së, me pesë fitore, dy barazime dhe tre humbje, megjithëse, duke marrë parasysh që pjesa më e madhe e ndeshjeve u luajt me një gjigant si Barça me MSN-në e frikshme, mund të thuhet se merita është e madhe.

Gjithsesi, trajneri tashmë i PSG-së, ka vuajtur shumë në stadiumin “Anoeta” në San Sebastian. Ata kanë humbur tre nga pesë herë dhe një herë tjetër kanë barazuar, duke fituar vetëm në çerekfinalet e Kupës 16-17 (0-1).

Megjithatë, në shtëpi ata kanë pranuar vetëm një barazim ndaj “mbretërve” dhe ai ishte me Celta në 13-14 (2-2). Tre ndeshjet e fundit kundër “bardhebluve” përfunduan me fitore për culé. Ndeshja e fundit ishte fitorja 3-2 e ligës në “Camp Nou”, në prill 2017.

Luis Enrique u mund 1-0 në “Anoeta” në dy vizitat e tij të para me Barcelonën. Në të parën, në janar 2015, ai zgjodhi të linte Neymar dhe Messi në pankinë, gjë që shkaktoi stuhi në ambientet e culé, megjithëse sezoni u mbyll me një treshe. Atë natë në “Anoeta”, një gol i Jordi Albas në portën e tij i dha tre pikët Realit të David Moyes dhe zgjati mallkimin e Barcelonës në Donostia.

B.T (Dosja.al)