Politike

"Do të isha i lumtur për sistemin proporcional"/ Shehi te Zgjedhorja: Ja vlen për demokracinë të harxhohen disa miliona

Në fjalën e tij Kreu i LZHK-së Dashamir Shehu ka kërkuar që votimi të bëhet elektronik dhe kërkon zgjerimin e zonave.

14 Shkurt 2024, 11:58 Nga h.k
"Do të isha i lumtur për sistemin proporcional"/ Shehi te
Foto ilustruese

TIRANË-Ditën e sotme është mbledhur Komisioni i Posaçëm i Reformës Zgjedhore ku ka qenë në fokus dëgjimi i partive politike.

Në fjalën e tij Kreu i LZHK-së Dashamir Shehu ka kërkuar që votimi të bëhet elektronik dhe kërkon zgjerimin e zonave. Nga ana tjetër Shhu ka shprehur mbështetjen në një sistem proporcional. 

“Jam për zgjerimin e zonave. Do të isha i lumtur nëse do të bëhej një sistem proporcional. Jam pro listave që të hapen deri në fund. Një listë e hapur predisponohet që ka brenda dhe proporcionalin. Një tjetër pikë që kemi kërkuar, është që votimi të bëhet elektronik. Këtu ka dyshime për votimet elektronike, por besoj se me komisionerë na kanë ndodhur probleme. Kjo histori duhet të marrë fund, ndaj duhet ta bëjmë votimin elektronik. Po u bë në bashkitë e mëdha, duhet ta bëjmë dhe në bashkitë e tjera, ndaj duhet kurajo. Ja vlen që për demokracinë të harxhohen disa para. 2-3% të votave dhe mund të numërohen me dorë, por të bëhen elektronikisht që të hiqen këto zullume. Kjo është histori e vjetër e Shqipërisë. Po luhen miliona përmes elektronikës. Duhet të kthejmë te shqiptarët besimin te institucioni i votës. Nuk bëhet kjo me disa arnime. Shqipëria nuk është as Kina, as Spanja, por është një vend i vogël, që po bëhet edhe më i vogël. Do të duhej të ishin 2-3 kolegje të mëdha, që shqiptarët të votonin.”-tha Shehi 

dashamir shehi

Sondazh

Poll

MË SHUMË