Bota

U raportua se Serbia organizoi vrasjen e tij, Kurti: Kërcënimet i kanë rrënjët në Beogradin zyrtar, nuk jam ndjerë i rrezikuar

Kurti ka thënë se nuk është ndjerë i rrezikuar në Shkup edhe pasi ka mësuar për kërcënimet ndaj tij.

10 Shkurt 2024, 13:47 Nga M.B

U raportua se Serbia organizoi vrasjen e tij, Kurti: Kërcënimet i

Albin Kurti

KOSOVA- Kryeministri i Kosovës, Albin Kurti ka deklaruar se kërcënimet për jetën e tij i kanë rrënjët në Beogradin zyrtar. Kurti ka thënë se nuk është ndjerë i rrezikuar në Shkup edhe pasi ka mësuar për kërcënimet ndaj tij.

Para mediave, Kurti tha se gjatë qëndrimit në Shkup, ka pasur forca të shumta policore të cilët u kujdesën për mbledhjen.

“Kam mësuar se ka shumë kërcënime nga individë e struktura që kanë rrënjët e tyre në Beogradin zyrtar. Mirëpo unë sapo erdha nga Shkupi, nuk jam ndjerë i rrezikuar, veçse kam parë shumë forca policore të cilët u kujdesen për mbledhjen në Shkup”, u shpreh Kurti.

Ditën e sotme RTK raportoi se burime të besueshme nga institucione të sigurisë në Kosovë kanë thënë se menjëherë pas mbledhjes së Këshillit të Sigurimit të OKB-së, kanë siguruar të dhëna se nga Serbia ka bërë përpjekje për vrasjen e kryeministrit Albin Kurtit në Shkup.

“Ka qenë një kombinacion operativ serb, ku janë gërshetuar mashtrimet mediale me veprimet në terren nga atentatorë të mundshëm të ekstremit serbo-maqedonas, të afërt me Federatën Ruse, por nën kontrollin e institucioneve serbe”, ka thënë burimi për RTK-në.

albin kurti kosova