Politike

Seanca për shqyrtimin e ankimimit të Berishës, mbërrijnë në Gjykatën e Posaçme dy avokatët

Në Gjykatën e Posaçme do të zhvillohet seanca për shqyrtimin e ankimimit të Berishës të cilit SPAK i rrëzoi kërkesën për të marrë pjesë në Kuvend.

8 Shkurt 2024, 15:04 Nga N.F
Seanca për shqyrtimin e ankimimit të Berishës,
Genc Gjokutaj dhe Sokol Mengjesi

TIRANË- Dy avokatët e ish-kryeministrit Sali Berisha, Genc Gjokutaj dhe Sokol Mengjesi kanë mbërritur në GJKKO. Në Gjykatën e Posaçme do të zhvillohet seanca për shqyrtimin e ankimimit të Berishës të cilit SPAK i rrëzoi kërkesën për të marrë pjesë në Kuvend.

Berisha kërkon leje për të marrë pjesë në seancat plenare të Kuvendit, në cilësinë e deputetit. Avokatët kërkojnë për herë të katërt kërkesën për përjashtimin e gjyqtares Irena Gjoka. Seanca e 1 shkurtit u shty nga gjyqtarja Gjoka me argumentin se fletëthirrjen që do të zhvillohej seancë gjyqësore e ka firmosur Argita Berisha dhe jo vetë ish-kryeministri.

Prej 30 dhjetorit 2023 Sali Berisha ndodhet në arrest shtëpie, masë e caktuar nga Gjykata e Posaçme, pas kërkesës së SPAK. Berisha akuzohet se ka ndërmarrë veprime në miratim ligjesh dhe aktesh nënligjore, për të favorizuar dhëndrin e tij Jamarbër Malltezi, një ndër pronarët e truallit ku shtrihej kompleksi sportiv, mbi të cilin ndërtoi më pas 19 kulla.

berisha spak genc gjokutaj sokol mengjesi

Sondazh

Poll

MË SHUMË