Bota

Presidenti i Maqedonisë së Veriut: E njoh Talat Xhaferin dhe privatisht, është i paanshëm dhe korrekt

Pendarovski është shprehur se me Talat Xhaferin njihen edhe privatisht që më herët dhe shtoi se ai është i paanshëm dhe korrekt në punën e tij.

6 Shkurt 2024, 14:02 Nga M.B
Presidenti i Maqedonisë së Veriut: E njoh Talat Xhaferin dhe
Talat Xhaferi dhe Stevo Penderovski

MAQEDONIA E VERIUT- Për emërimin e Talat Xhaferit si kryeministër në Maqedoninë e Veriut, ka folur presidenti i vendit fqinj, Stevo Penderovski. Për Euronews Albania presidenti Pendarovski ka thënë se me Talat Xhaferin njihen edhe privatisht që më herët dhe se ai është i paanshëm dhe korrekt në punën e tij.

Ai shtoi gjithashtu se Talat Xhaferi ka punuar në mënyrë profesionale dhe kjo ka qenë një nga arsyet pse LSDM i dha mbështetje për të qenë kryetar i Parlamentit në Maqedoni

“Në këto 20 vitet e shkuara, pasi është nënshkruar marrëveshja e Ohrit, shqiptarët janë të përfaqësuar shumë mirë në të gjithë sistemin maqedonas. Nuk ka asnjë institucion ku ata nuk kanë qasje. Ne kemi shqiptarë në funksione shumë të larta. Nëse në vitin 2001 kishte 2.4 % tani është në nivelin e 21 %. Kishim president shqiptar, tani kemi kryeministër. Nuk kam dyshim që do të jetë kryeministër nëse do të ketë votat e të gjithëve, të shumicës bëhet fjalë. Me zotin Xhaferi ne punojmë edhe në mënyra zyrtare, por njihemi edhe privatisht që në vitet e shkuara. Talat Xhaferi ka punuar në mënyrë profesionale, i paanshëm dhe kjo ka qenë një nga arsyet pse LSDM i dha mbështetje për të qenë kryetar i Parlamentit në Maqedoni. Ju thashë edhe në përgjigjen e parë se zgjedhja ime u bë falë zgjedhjes së shumicës së zgjedhësve.

5 vitet e shkuara kam qenë i njëjtë për të gjithë, pavarësisht se kujt etnie i përket. Sa i përket shqiptarëve më vini në një pozicion jo shumë të rehatshëm, por mund të them se në 5 vitet e shkuara shqiptarët në aktivitetet e mia të përgjegjësisë kanë arritur në pozicionet më të larta. Kemi gjeneralë, anëtarë të Këshillit të Sigurisë, etj. Nuk e di nëse mendoni për 5 vitet e shkuara, por 20 vitet e tjera pasi kam qenë në pozicione të tjera të vështira. Momenti më i vështirë ka qenë në vitin 2001, por arritëm një marrëveshje shumë të mirë falë negociatave. Kaluam 7 muaj të vështirë dhe arritëm në marrëveshjen e Ohrit. Në marrëdhëniet si president me të gjithë kolegët unë kam një parim, është legjitimiteti i vendit përkatës se kë zgjedhim. Si me Metën ashtu edhe me Begajn kam një komunikim të shkëlqyer dhe ne kemi bashkëpunuar shumë mirë. Falë këtyre marrëdhënieve janë të shkëlqyera edhe marrëdhëniet mes dy vendeve”, tha Pendarovski./ Euronews Albania

talat xhaferi stevo pendarovski

Sondazh

Poll

MË SHUMË