Aktualitet

Arrestohet drejtuesi i mjetit ku humbi jetën 18-vjeçari si pasojë e aksidentit në aksin Librazhd-Prrenjas

Policia njoftoi se u arrestua në flagrancë 21-vjeçari me inicialet M.Z banues në fshatin Qukës, pasi dyshohet se humbi kontrollin e mjetit dhe si pasojë mjeti doli nga rruga, duke shkaktuar një aksident tragjik.

5 Shkurt 2024, 12:18 Nga S.N
Arrestohet drejtuesi i mjetit ku humbi jetën 18-vjeçari si
Pamje nga aksidenti

LIBRAZHD- Pas aksidentit të ndodhur mbrëmjen e djeshme në aksin rrugor Librazhd-Prrenjas, ku humbi jetën një 18 vjeçar, arrestohet drejtuesi i mjetit. Policia njoftoi se u arrestua në flagrancë 21-vjeçari me inicialet M.Z banues në fshatin Qukës, pasi dyshohet se humbi kontrollin e mjetit dhe si pasojë mjeti doli nga rruga, duke shkaktuar një aksident tragjik. Si pasojë u plagosën edhe 2 pasagjërët që ndodheshin në mjet, por janë jashtë rrezikut për jetën.

Njoftimi i Policisë: 

Në vijim të informacionit paraprak të dhënë mbrëmjen e djeshme, për një aksident rrugor në aksin "Librazhd-Prrenjas", ju informojmë se specialistët e Sektorit të Policisë Rrugore arrestuan në flagrancë shtetasin M. Z., 21 vjeç, banues në fshatin Qukës, Librazhd, pasi dyshohet se ka humbur kontrollin mbi drejtimin e automjetit dhe për këtë shkak automjeti ka dalë nga rruga. Për pasojë humbi jetën njëri nga pasagjerët e këtij automjeti, shtetasi D. B., si dhe kanë mbetur të dëmtuar 2 pasagjerët e tjerë dhe drejtuesi i automjetit, të cilët janë në kujdesin e mjekëve, jashtë rrezikut për jetën.

 

policia aksident

Sondazh

Poll

MË SHUMË