Aktualitet

Aksidenti tragjik me 1 viktimë dhe 4 të plagosur në Korçë, arrestohet shoferi 23-vjeçar

Gjithashtu nga aksidenti kanë mbetur të plagosur 4 pasagjerët që ndodheshin në makinën e drejtuar nga 23-vjeçari banues në Kamëz.

5 Shkurt 2024, 12:14 Nga DOSJA
Aksidenti tragjik me 1 viktimë dhe 4 të plagosur në
foto nga aksidenti

KORÇË- Është arrestuar 23-vjeçari që drejtonte automjetin që dyshohet se shkaktoi aksidentin tragjik në Korçë mbrëmjen e djeshme, ku si pasojë humbi jetën 36-vjeçari Elvis Mizaku.

Gjithashtu nga aksidenti kanë mbetur të plagosur 4 pasagjerët që ndodheshin në makinën e drejtuar nga 23-vjeçari banues në Kamëz. Aksidenti ndodhi në afërsi të fshatit Belorta.

NJOFTIMI I POLICISË:

Në vijim të informacionit paraprak të dhënë ditën e djeshme, për një aksident rrugor, ju informojmë se specialistët e Sektorit të Trafikut Urban dhe Interurban të DVP Korçë arrestuan në flagrancë shtetasin K. H., 23 vjeç, banues në Kamëz, Tiranë, pasi në aksin rrugor “Korçë-Devoll”, pranë fshatit Belorta, Korçë, duke drejtuar automjetin tip “Hyundai”, ka përplasur automjetin tip “Volkswagen” me drejtues shtetasin E. M., 36 vjeç, banues në fshatin Terovë, Maliq. Për pasojë ka humbur jetën 36-vjeçari E. M., si dhe janë dëmtuar shtetasit A. P., 50 vjeç, B. P., 20 vjeçe, D. P., 42 vjeçe dhe Dh. P., 36 vjeçe, banues në Kamëz, Tiranë, pasagjerë në automjetin tip “Hyundai”, të cilët ndodhen në spitalin e Korçës, jashtë rrezikut për jetën.

aksident ne librazhd elvis mizaku

Sondazh

Poll

MË SHUMË