Sport

“Nuk do të ulem në atë nivel”… Ancelotti refuzon të përgjigjet dhe injoron Laportën e Xavin për çështjen e gjyqtarëve...

Trajneri i Real Madrid ka folur vetëm takimin me Atlético Madrid

4 Shkurt 2024, 09:30 Nga DOSJA

“Nuk do të ulem në atë nivel”… Ancelotti

SPANJE - Carlo Ancelotti i është përgjigjur këtë të shtunë deklaratave të fundit të presidentit të Barcelonës, Joan Laporta dhe trajnerit të ‘Blaugranës’, Xavi Hernández, në lidhje me paraqitjet e arbitrave në ndeshjet e Real Madridit.

Në konferencën për shtyp të ndeshjes kundër Atlético Madrid, trajneri u pyet edhe për gjendjen fizike të Rüdiger dhe Éder Militão.

Ditët e fundit, Barcelona ka kritikuar arbitrimin, kryesisht në lidhje me ndeshjen Real Madrid-Almería, e cila përfundoi me fitoren e ‘merengëve’ të rrethuar nga shumë polemika. Sulmet nisën nga Joan Laporta, i cili në një intervistë për ‘Mundo Deportivo’ tha se “konkurrenca është e falsifikuar”.

Këtë të premte, Xavi Hernández vazhdoi të njëjtin fjalim: “Konkurrenca është krejtësisht e falsifikuar, këtë mund ta shohë edhe një i verbër”,- tha ai në premierën e ndeshjes së Barcelonës kundër Alavés.

Këto kritika nuk kaluan pa u vënë re dhe ishin temë në konferencën e Ancelottit. "Unë jam profesionist dhe prandaj nuk do ta ulem në atë nivel. Në respekt për futbollin spanjol, mos më pyesni më për këtë",- është përgjigjur trajneri i pyetur për këtë temë.

Mungesa e Antonio Rüdiger për shkak të lëndimit ishte gjithashtu një nga temat e trajtuara nga gazetarët. "Ai është përmirësuar shumë. Ne do të vlerësojmë dhe do të marrim një vendim. Ai do të jetë në skuadër dhe sot do të vendos nëse do të luajë apo jo", zbuloi Ancelotti. Kujtojmë se lojtari gjerman u zëvendësua në ndeshjen ndaj Getafes, me ankesa në kofshën e majtë. 

Nga ana tjetër, Éder Militão pritet të kthehet para përfundimit të sezonit. "Ai ka filluar të ndihet shumë mirë. Mund të kthehet në fund të marsit, ose në fillim të prillit", tha trajneri italian për mbrojtësin brazilian.

Real Madridi pret Atletico Madridin këtë të dielë në orën 20:00, në ndeshjen e xhiros së 23-të të La Ligës spanjole.

B.T (Dosja.al)

Sondazh

Poll

Sport 4 Shkurt 2024, 08:00

PSG reagon për largimin e Mbappe!...

FRANCE - Kylian Mbappé te Real Madridi? Trendi tashmë duket se po merrte formë kohët e fundit dhe nga ana pariziane, vendosëm t'i kon...

MË SHUMË