Bota

Gjyqtari hedh poshtë akuzën, lirohet aktivistja Greta Thunberg

Thunberg u arrestua jashtë hotelit InterContinental në Mayfair, në qendër të Londrës, ku po zhvillohej një konferencë e madhe vjetore e drejtuesve të naftës

2 Shkurt 2024, 19:25 Nga S.B
Gjyqtari hedh poshtë akuzën, lirohet aktivistja Greta Thunberg
Greta Thunberg

LONDËR- Aktivistja suedeze Greta Thunberg është liruar nga akuza për shkelje të rendit publik pasi një gjykatës hodhi poshtë çështjen kundër saj. Gjykatësi John Law tha të premten se policia kishte vepruar në mënyrë të paligjshme gjatë një proteste mjedisore në Londër vitin e kaluar, kur e arrestoi Gretën sepse ajo refuzoi të lëvizte.

Thunberg u arrestua jashtë hotelit InterContinental në Mayfair, në qendër të Londrës, ku po zhvillohej një konferencë e madhe vjetore e drejtuesve të naftës, duke përfshirë përfaqësues nga Shell, Total, Equinor dhe Saudi Aramco, më 17 tetor të vitit të kaluar. Ajo u prangos përpara se të merrej nga furgoni i policisë. Në Gjykatën e Magjistraturës së Westminsterit të premten, gjyqtari Law tha se kushtet e vendosura ndaj protestuesve ishin aq të paqarta sa është e paligjshme.

Protesta, tha ai, ishte përgjatë gjithë kohës paqësore, e civilizuar dhe jo dhunshme dhe ai kritikoi provat e prokurorisë në lidhje me vendndodhjen se ku duhet të zhvendoseshin demonstruesit duke thënë se filmimi i vetëm i dobishëm që ai mori ishte nga një protestues i rrëzuar.

Gjykata dëgjoi se protestuesit filluan të mblidheshin pranë hotelit në tetor të vitit të kaluar rreth orës 7:30 të mëngjesit dhe policia u angazhua me ta për përmirësimin e aksesit për anëtarët e publikut, gjë që prokuroria pretendoi se ishte bërë "e pamundur".

Por gjyqtari hodhi poshtë pikëpamjen e policisë, pasi hyrja kryesore ishte e aksesueshme (do të thotë) se kushti ishte i panevojshëm kur të pandehurit u arrestuan. Nuk ishte hera e parë që Thunberg ishte marrë nga policia në një demonstratë.

Në korrik të vitit të kaluar, ajo u largua me forcë nga një protestë në Suedinë jugore disa orë pasi një gjykatë lokale e gjobiti për mosbindje ndaj policisë gjatë një demonstrimi të ngjashëm një muaj më parë. Aktivistja pranoi se ajo nuk i ishte bindur urdhrit të policisë, por u deklarua e pafajshme dhe tha se po vepronte nga nevoja.

greta thunberg aktivistja

Sondazh

Poll

MË SHUMË