Bota

Shpalli kandidaturën për në zgjedhje, tërhiqet politikani rus: Mbështes Putinin

Kreu i partisë Bashkimi Gjithpopullor Rus, Baburin, njoftoi ndryshimin e mendimit të tij menjëherë pasi dorëzoi dokumentet dhe nënshkrimet në komisionin qendror zgjedhor.

30 Janar 2024, 15:25 Nga M.B
Shpalli kandidaturën për në zgjedhje, tërhiqet politikani
Presidenti rus Vladimir Putin takohet me kandidatët që morën pjesë në zgjedhjet e fundit presidenciale, Ksenia Sobchak dhe Sergei Baburin në Kremlin në Moskë, Rusi, 19 mars 2018.

MOSKË- Politikani nacionalist rus, Sergei Baburin, i cili kishte shpallur kandidaturën e tij në zgjedhjet presidenciale të planifikuara për 15-17 mars, tha sot se po tërhiqej nga gara dhe do të mbështeste presidentin aktual, Vladimir Putin. Kreu i partisë Bashkimi Gjithpopullor Rus, Baburin, njoftoi ndryshimin e mendimit të tij menjëherë pasi dorëzoi dokumentet dhe nënshkrimet në komisionin qendror zgjedhor. Mediat e huaja raportojnë se Baburin tha se do të ishte gabim të minohej uniteti kombëtar "në një orë të vështirë për atdheun", duke iu referuar luftës në Ukrainë. Ai u bëri thirrje të gjithë rusëve patriotë që të bashkohen rreth Putinit.

Komisioni Zgjedhor i Rusisë deri më tani ka regjistruar katër kandidatë, përfshirë Putinin, për votime. Disa të tjerë, duke përfshirë kandidatin kundër luftës Boris Nadezhdin, do të dorëzojnë dokumentet deri të mërkurën.

 

rusia vladimir putin

Sondazh

Poll

MË SHUMË