Bota

Shkuan për të shoqëruar një person në psikiatri, policia greke gjen trupin e pajetë të motrës, ishte mbuluar me batanije dhe kryqe

Policia ishte nisur në drejtim të shtëpisë së një personi për ta transportuar atë në një klinikë psikiatrie por më pas zbuluan edhe trupin e pajetë të motrës së tij.

30 Janar 2024, 13:13 Nga N.F
Shkuan për të shoqëruar një person në psikiatri,
Foto ilustruese

GREQI- Një ngjarje e rëndë është regjistruar në Greqi ku policia ka zbuluar trupin e një gruaje të pajetë në banesën e një personi. Policia ishte nisur në drejtim të shtëpisë së një personi për ta transportuar atë në një klinikë psikiatrie por më pas zbuluan edhe trupin e pajetë të motrës së tij.

Sipas informacioneve të para, trupi i gruas u gjet në orët e para të pasdites në një banesë në rrugën Agios Dimitriou. Burri thuhet se ishte jo bashkëpunues me oficerët për disa kohë dhe më pas ata kanë ndërhyrë për ta transportuar në psikiatri. Kur policia ka hyrë në banesë ka gjetur trupin e një gruaje të mbuluar me dhjetëra batanije, ndërsa sipër saj kishte mobilje, foto dhe kryqe. Trupi mësohet se është në kalbje të avancuar dhe të gjitha mundësitë janë të hapura nga policia ndërsa dyshihet se viktima ka humbur jetën një javë më parë.

Sektori i Krimeve Kundër Jetës pranë Drejtorisë së Sigurimit të Selanikut ndodhet në vendngjarje, ndërsa është thirrur edhe një mjek. Nga ekzaminimi makroskopik që ka kryer në trupin e gruas nuk ka rezultuar asnjë gjurmë e veprimtarisë kriminale dhe 60-vjeçarja rezulton se ka ndërruar jetë për shkaqe patologjike. Do të jetë autopsia, ajo që do të përcaktojë shkaqet përfundimtare. 

greqi psikiatri trup i pajetë

Sondazh

Poll

MË SHUMË