Aktualitet

Parandalohet ngjarja e rëndë/ Kërcënonte me jetë gruan dhe fëmijët, arrestohet 50-vjeçari në Tiranë

Gjatë arrestimit, 50-vjeçari kishte një thikë në dorë dhe po kërcënonte me jetë familjarët e tij. 

27 Janar 2024, 10:50 Nga I.A
Parandalohet ngjarja e rëndë/ Kërcënonte me jetë gruan
Policia

TIRANË- Një ngjarje e rëndë është parandaluar ditën e sotme në Tiranë. Mësohet se një 50-vjeçar është arrestuar, pasi ka kërcënuar me jetë gruan dhe fëmijët e tij. Në pranga ka rënë Agim Biraçi, i cili u arrestua në mënyrë flagrante nga policia në Shkozë. Biraçi në mënyrë të vazhdueshme dhunonte dhe kërcënonte bashkëshorten e tij dhe fëmijët. Gjatë arrestimit, 50-vjeçari kishte një thikë në dorë dhe po kërcënonte me jetë familjarët e tij. 

Njoftimi i Policisë:

Tiranë Brenda orëve të fundit, falë ndërhyrjes në kohë të shërbimeve të Komisariatit të Policisë Nr. 1, parandalohet një ngjarje tjetër kriminale, në një familje. Ushtronte dhunë, në mënyrë të vazhdueshme, ndaj bashkëshortes dhe fëmijëve të tyre, dhe i kanoste ato me jetë, vihet në pranga 50-vjeçari. Shërbimet e Komisariatit të Policisë Nr. 1, në vijim të punës për garantimin e rendit dhe sigurisë dhe vënien përpara përgjegjësisë ligjore të çdo shtetasi, që përbën rrezik potencial për sigurinë e të tjerëve, pas marrjes së njoftimit se në Shkozë, një shtetas po kanoste me mjet prerës, bashkëshorten e tij, se do ta vriste, menjëherë kanë organizuar punën për parandalimin e ngjarjes së mundshme kriminale, dokumentimin e plotë ligjor të rastit dhe vënien e autorit të dyshuar përpara përgjegjësisë penale. Si rezultat i veprimeve të shpejta u arrestua në flagrancë shtetasi A. B., 50 vjeç, banues në Shkozë. Shtetasi A. B., ditën e djeshme, dhe në mënyrë të vazhdueshme, në Shkozë, ka ushtruar dhunë ndaj bashkëshortes, dhe fëmijëve të tyre, si dhe i ka kanosur ata me mjet prerës thikë, se do ti vriste. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

agim biraçi

Sondazh

Poll

MË SHUMË